ރާއްޖޭގެ އިގްތިސާދާއި ކުރިއެރުމާއި ރައްކާތެރިކަމަށް އިންޑިއާއެކު އޮންނަ ގުޅުން މުހިއްމު ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.

އިންޑިއާގެ ނޫހަކަށް ދެއްވި އިންޓަވިއުއެއްގައި ރައީސް ނަޝީދު ވިދާޅުވީ، ރާއްޖެއާ އިންޑިއާ ދެމެދު އޮންނަ ދުވަސްވީ ގުޅުމުގެ ސަބަބުން ރާއްޖެއަށް ބޭނުންވާ ތަރައްގީ އިންޑިއާގެ ތަރައްގީއާ ލާމެހި ގުޅިފައިވާ ކަމަށެވެ. އަސްކަރީ ގޮތުން އިންޑިއާ އެކު އޮންނަ ގުޅުމަކީ މުހިއްމު ގުޅުމެއް ކަމަށް އެމަނިކުފާނު ފާހަގަ ކުރެއްވިއެވެ.

އިންޑިއާގެ ޗީފް އޮފް އާމީ ސްޓާފް، ޖެނެރަލް ބިޕިން ވަނީ ރާއްޖެއަށް ދަތުރުފުޅެއް ކުރުމަށް ފަހު ހުކުރު ދުވަހު ދަަތުރުފުޅު ނިންމަވާލެއްވުމަށް ފަހު އިންޑިއާ އަށް ވަޑައިގެންފައެވެ.

އިންޑިއާގައި ކުރިޔަށްދާ ''އިންޑިއާ އިކޮނޮމިކް ފޯރަމް'' އަށް އިންޑިއާ އަށް ވަޑައިގެން އުޅުއްވާ ނަޝީދު ވަނީ، އިންޑިއާ ސަރުކާރުން ރާއްޖޭގެ ކުރިކެޓް ކުރިއެރުވުމަށް ކުރާ ޝުކުރު އަދާކުރައްވާފައެވެ.

ރައީސް ނަޝީދު އިންޑިއާ އަށް ތައުރީފްކޮށް ވާހަކަ ދައްކާފައިވާއިރު، އެމަނިކުފާނާ ޗައިނާގެ ސަފީރު ޔަންގް ލީޖޮންގް ދެމެދު ބަހުގެ ހޫނު ހަމަލާތަކެއް ދަނީ ބަދަލުކުރެވެމުންނެވެ. ރާއްޖެއިން ޗައިނާއަށް ދައްކަންޖެހޭ ދަރަނީގެ އަދަދަކީ 1.52 ބިލިއަން ޑޮލަރު ރައީސް ނަޝީދު ވިދާޅުވުމުން ސަފީރު ވަނީ އެވާހަކަތައް ދޮގު ކުރައްވާފައެވެ.

މި ސަރުކާރަކީ އިންޑިއާ އެކު ''ގާތް'' ގުޅުމެއް ބާއްވަމުން އަންނަ ގައުމެކެވެ. އެގޮތުން އިންޑިއާގެ ބޮޑު ވަޒީރު ވަނީ ރައީސް ސޯލިހުގެ ވެރިކަމުގައި ދެފަހަރެއްގެ މަތިން ރާއްޖެއަށް ވަޑައިގެންފައެެވެ. އެ ދަތުރުފުޅުގައި ދެ ގައުމުގެ ދެމެދުގައި ގިނަ އެއްބަސްވުންތަކެއް ގައި ވަނީ ސޮއިކޮށްފައެވެ.