ރަހީނުކޮށްފައި ހުރި ބިދޭސީއަކު ސަލާމަތްކޮށް، އެކަން ކުރި ފަސް ބިދޭސީން ހައްޔަރުކޮށްފިއެވެ.
ފުލުހުން ބުނީ، މާފަންނުގައި ހުރި ބިދޭސީން ދިރިއުޅޭ ތަނެއްގެ ތިން ވަނަ ފަންގިފިލާގައި ބިދޭސީއަކު ރަހީނުކުރިކަމުގެ ރިޕޯޓް ލިބިގެން އެތަނަށް ގޮސް އެމީހާ ސަލާމަތް ކޮށްފައިވާ ކަމަށެވެ. އަދި އެ މައްސަލައާ ގުޅިގެން ފަސް ބިދޭސީއަކު ހައްޔަރުކޮށް މައްސަލަ ބަލަމުންދާ ކަމަށް ފުލުހުން ބުންޏެވެ.
އިތުރު މައުލޫމާތެއް ފުލުހުން ހާމައެއް ނުކުރެއެވެ. މައުލޫމާތު ލިބިފައިވާ ގޮތުގައި އެ މައްސަލާގައި ހިމެނެނީ ބަންގްލަދޭޝް މީހުންނެވެ.
ބިދޭސީއަކު ހައްޔަރު ކޮށްފައިވާއިރު، ދާދި ފަހުން ބިދޭސިއަކު ރަހީނުކުރިކަމުގެ އަޑުވަނީ ފެތުރިފައެވެ.
