ގާ އަޅާ މެޝިނެއްގެ ދަށުވެ 25 އަހަރުގެ ބިދޭސީއަކު މަރު ވެއްޖެއެވެ.
ފުލުހުން ބުނީ ސަން ސިޔާމް ގުރޫޕުން ނ. ދިގުރަށުގައި ހަދާ ރިސޯޓުގައި މަސައްކަތް ކުރަމުން ދިޔަ ބިދޭސީއަކު ބުދަ ދުވަހު މަރު ވެފައިވާ ކަމަށެވެ.
ބިދޭސީ މީހާއަށް ބުދަ ދުވަހު ނ. މަނަދޫ ހޮސްޕިޓަލަށް ގެންގޮސްފައިވާ ކަމަށް ރިޕޯޓް ކޮށްފައިވާ ކަމަށާއި އެމީހާ ހޮސްޕިޓަލަށް ގެންދިޔަ އިރު ވެސް މަރުވެފައިވާ ކަމަށް ހޮސްޕިޓަލުން ބުނެފައިވާ ކަމަށް ފުލުހުން ބަނީ ބުނެފައެވެ.
ހޮސްޕިޓަލަށް ގެންދިޔަ އިރު ބޮޑެތި އަނިޔާތަކެއް ލިބިފައިވާ ކަމަށް ވެސް ފުލުހުން ބުނެއެވެ.
އެ މައްސަލަ ފުލުހުން ދަނީ ތަހުގީގު ކުރަމުންނެވެ.
