މި ސަރުކާރުގެ އެންމެ ބޮޑު ނާކާމިޔާބީ އަކީ މަތީ ތައުލީމުގެ ދާއިރާ ކަމަށް މަންދު ކޮލެޖުގެ ޗެއާމަން އަދި ރައްޔިތުންގެ މަޖިލީހުގެ ކުރީގެ މެމްބަރު އިބްރާހިމް އިސްމާއިލް (އިބްރާ) ވިދާޅުވެއްޖެއެވެ.
ރާއްޖެ ޓީވީގެ ފަލަސުރުހީ ޕްރޮގްރާމުގައި ވާހަކަ ދައްކަވަމުން އިބްރާ ވިދާޅުވީ މަތީ ތައުލީމުގެ ދާއިރާ އޮތީ ފެއިލްވެފައި ކަމަށާއި އެ ދާއިރާއަށް ރާއްޖޭގައި ހެދިފައި ހުރި އެއްވެސް އުސޫލެއް ތަންފީޒު ކުރެވިފައި ނެތް ކަމަށެވެ.
އިބްރާ ވިދާޅުވީ ހަޔަރ އެޑިއުކޭޝަނުގެ ފަރާތުން އަލަށް އުސޫލެއް ހަދައިގެން އެ އުސޫލު ތަންފީޒުކުރަން ނޫޅޭ ކަމަށެވެ. އަދި އެ ދާއިރާގައި މަސައްކަތް ކުރާ ފަރާތްތަކުގެ ކަންބޮޑުވުންތައް ފާޅުކުރާނެ ތަނެއް ނެތް ކަމަށް ވެސް އޭނާ ވިދާޅުވިއެވެ. އެގޮތަށް މަތީ ތައުލީމުގެ ދާއިރާ އޮތް އޮތުމުން މިހާރު ރާއްޖެއަކީ، ދަރިވަރުން ކްލާސްތަކައް ނުގޮސް، ނުކިޔަވާ ސެޓްފިކެޓް ހޯދާ ގައުމަކަށް ވެއްޖެ ކަމަށާއި އޭގެ ނަތީޖާ ވަރަށް ގޯސްވާނެ ކަމަށް އިބްރާ ވިދާޅުވިއެވެ.
މިކަންކަން ތަންފީޒު ނުކުރެވެންޏާ މި ރާއްޖޭގެ ހަޔަރ އެޑިއުކޭޝަންގެ އަގެއް ދުނިޔެއަކު ނުހުންނާނެ، ހަމަ ދުވަހުން ދުވަހަށް އަޅުގަނޑުމެންނަށް ކުރިމަތިލާން ޖެހޭ ދަތިތަކުގެ ވާހަކަ މި ދައްކަނީ، އެހެންވީމަ އެއް ދާއިރާއަކަށް ބަލާއިރު އެންމެ ބޮޑު ފެއިލިއަރެއް އަޅުގަނޑަށް ފެންނަނީ ހަޔަރ އެޑިއުކޭޝަން މިނިސްޓްރީއިބްރާހިމް އިސްމާއިލް (އިބްރާ)
އިބްރާ މިހެން ވިދާޅުވެފައިވާއިރު، ގިނަ ދަރިވަރުންތަކަކަށް މަތީ ތައުލީމުގެ ލޯނު ނުލިބުނު މައްސަލަ އެއްވެސް މިއަހަރު ކުރީކޮޅު ވަނީ ފެންމަތި ވެފައެވެ. މިކަމާއި ގުޅޭގޮތުން ހަޔަރ އެޑިއުކޭޝަން މިނިސްޓަރު ޑރ. އިބްރާހީމް ހަސަން ވިދާޅުވެފައިވަނީ މަތީ ތައުލީމަށް ސަރުކާރުން ދޭ ލޯނަށް ކުރިމަތިލި މީހުންގެ ތެރެއިން ލޯނު ހަމަނުޖެހުނީ އާންމުކުރެވުނު އުސޫލާ ހިލާފަށް އެޕްލިކޭޝަން ހުށަހަޅެމުން ކަމަށެވެ.
އިބްރާ އިތުރަށް ވިދާޅުވީ ސަރުކާރުގެ އެހެނިހެން ދާއިރާތަކުން ކަންތައްތައް ކުރަމުންދާ މަންޒަރު ފެންނަ ކަމަށެވެ.
