އެއާޕޯޓަށް ދާން އޮންނަ މަގުގައި މޯލްޑިވިއަންގެ ވެހިކަލެއް އެކްސިޑެންޓް ވެއްޖެއެވެ.
ފުލުހުން ބުނީ އެއާޕޯޓަށް ދާން އޮންނަ މަގުން ބާރު ސްޕީޑްގައި ދުއްވާފައި ދިޔަ މޯލްޑިވިއަންގެ ވެހިކަލެއްގެ ކުރިމަތިން އައި ޓެކްސީއަކުން ނެއްޓެން އުޅުމުގެ ތެރޭގައި ވެހިކަލް ކޮންޓްރޯލް ނުވެ ގޮސް އެއާޕޯޓް މަގުގައި ހުރި ޓިނު ފެންސްގައި ޖެހިފައިވާ ކަމަށެވެ. އަދި ހޮނިހިރު ދުވަހުގެ ހެނދުނު 10:20 އެހާކަންހާއިރު ފުލުހުންނަށް ރިޕޯޓްކޮށްފައިވާ ކަމަށެވެ.
Advertisement
ފުލުހުން ބުނީ މިއެކްސިޑެންޓްގައި އެއްވެސް މީހަކަށް އަނިޔާއެއް ނުލިބޭ ކަމަށެވެ. ނަމަވެސް ވެހިކަލްއަށް އެކިވަރުގެ ގެއްލުން ވެފައިވާ ކަމަށެވެ.
މިމައްސަލަ ފުލުހުން ދަނީ ތަހުގީގު ކުރަމުންނެވެ.
