ސިއްދާތް މަލްހޯތްރާ އާއި ރިތޭޝް ދޭޝްމުކްގެ ''މަރްޖާވާން'' ފިލްމު ރިލީޒް ކުރާ ތާރީހު އަވަސް ކޮށްފިއެވެ.
ކުރިން ޝެޑިއުލް ކޮށްފައިވާ ގޮތުން ފިލްމު ރިލީޒް ކުރާނީ ނޮވެމްބަރު މަހުގެ 22 ގައެވެ. އެހެން ނަމަވެސް މިހާރު ފިލްމު ރިލީޒް ކުރަން ހަމަޖެހިފައިވަނީ ނޮވެމްބަރު މަހުގެ އަށްވަނަ ދުވަހު ކަމަށް ސިދާތް ކޮށްފައިވާ ޓްވީޓެއްގައި ވަނީ ބުނެފައެވެ. ސިދާތްއާ އެކު '' އެކްވިލަން'' ފިލްމުގައި ފެނިގެން ދިޔަ ރިތޭޝް ވަނީ ފިލްމުގެ އައު ޕޯސްޓަރު ސޯޝަލް މިޑިއާގައި ހިއްސާކޮށްފައެވެ.
މިއީ ފިލްމުގެ ރިލީޒް ކުރާ ތާރީހު އަވަސްވި ފުރަތަމަ ފަހަރެއް ނޫނެވެ. އޮކްޓޫބަރު މަހު ވެސް އެ ފިލްމު ރިލީޒް ކުރަން ނިންމިއެވެ. އޭރު ފިލްމު ރިލީޒް ކުރަން ލަސްކުރަން ޖެހުނީ ރިތިކް ރޯޝަން އާއި ޓައިގާ ޝްރޯފްގެ ''ވާ'' ފިލްމު ރިލީޒް ކުރާ ދުވަހާ ދިމާވުމުންނެވެ.
މަރްޖާވާން ފިލްމަކީ އެކްޝަން ޑްރާމް ފިލްމެކެވެ. ފިލްމުގެ ޝޫޓިން ފަށާފައިވަނީ މިދިޔަ އަހަރުގެ ޑިސެމްބަރު މަހުއެވެ. ފިލްމު ޑައިރެކްޓްކުރަނީ ސިދާތްގެ '' އޭކްވިލަން'' ވެސް ޑައިރެކްޓް ކޮށްފައިވާ މިލަޕް ޒަވޭރީއެވެ.
