އިންޑިއަން އޯޝަން އައިލެންޑް ގޭމްސްގެ އަންހެން ސިންގަލްސް ޗެމްޕިއަންކަން ހޯދައި ބެޑްމިންޓަންގެ ބައިނަލްއަގްވާމީ ފުރަތަމަ ރަން މެޑަލް ނަބީހާ އަބްދުއްރައްޒާގު ހޯދައިދީފިއެވެ.
ހުކުރު ދުވަހު ކުޅުނު ބެޑްމިންޓަން އަންހެން ސިންގަލްސް ސެމީ ފައިނަލުގައި ސީޝެލްސްގެ ކެމިލްއާއި ވާދަކޮށް ނަބީހާ މެޗު ކާމިޔާބުކުރީ ސީދާ ދެ ގޭމުންނެވެ.
މެޗުގެ ފުރަތަމަ ގޭމް ނަބީހާ ކާމިޔާބުކުރީ 21-14 އިންނެވެ. ދެވަނަ ގޭމް ކާމިޔާބުކުރީ 21-10 އިންނެވެ.
މިއީ ބައިނަލްއަގްވާމީ ކުޅިވަރު މުބާރާތެއްގައި ބެޑްމިންޓަނުން ހޯދި ފުރަތަމަ ރަން މެޑައްޔެއްވެ.
އިންޑިއަން އޯޝަން އައިލެންޑް ގޭމްސްގައި އިތުރު ރަން މެޑައްޔެއް ހޯދުމުގެ ފުރުސަތު ނަބީހާއަށް އެބައޮތެވެ. އެއީ ހުކުރު ދުވަހު ކުޅޭ އަންހެން ޑަބަލްސް ފައިނަލުން މޮޅުވެގެންނެވެ.
