މޮރިޝަސްގައި މިހާރު ކުރިޔަށްދާ އިންޑިއަން އޯޝަން އައިލޭންޑް ގޭމްސްގެ 100 މީޓަރު ދުވުމުގެ ފައިނަލްގައި ރާއްޖޭގެ ހަސަން ސާއިދު ހަތަރުވަނައަށް ގޮސްފިއެވެ.

އެންމެ ފަހުގެ އިންޑިއަން އޯސަން އައިލޭންޑް ގޭމްސްގެ 100 މީޓަރު ދުވުމުން ސާއިދު ވަނީ ރާއްޖެއަށް ރަން މެޑަލް ގެނަސްފައެވެ.

ފައިނަލް ހީޓުގެ ހަތަރުވަނަ ސާއިދަށް ލިބުނީ 10.78 ސިކުންތުން ރޭސް ނިންމައިގެންނެވެ. ނަމަވެސް އޭނާ ފައިނަލަށް ދަތުރުކުރީ ފުރަތަމަ ހީޓުގައި ރޭސް ދެވަނައަށް ނިންމައިގެންނެވެ. އެ ރޭސް އޭނާ ނިންމީ 10.66 ސިކުންތުންނެވެ.

ދެހާސް ފަނަރަވަނަ އަހަރު އޮތް އިންޑިއަން އޯޝަން އައިލޭންޑް ގޭމްސްގެ 200 މީޓަރު ދުވުމުން ސާއިދުވަނީ ރިހި މެޑަލް ވެސް ރާއްޖެއަށް ކާމިޔާބު ކޮށްދީފައެވެ.