ކުރޫޒް ޗައިނާ ނުވަތަ އެމެރިކާ ލީގަށް ބަދަލު ނުވާނެ ކަމަށް އޭނާ ބުނެފިއެވެ.
ކުރޫޒް ސްޕޯޓް ބްލިންޑް އަށް ދިން އިންޓަރވިއު އެއްގައި އޭނާ ބުނީ ބަޔާން މިޔުނިކުން އޭނާ ވިއްކާލުން އެއީ އެ ޓީމުން ހެދި ގޯހެއް ކަމަށެވެ.
މީގެ އިތުރުން ކުރޫޒް ބުނީ އޭނާ ރެޔާލުގައި ހުރީ އުފަލުން ކަމަށާއި ރެޔާލް ދޫކޮށް ޗައިނާ ނުވަތަ އެމެރިކާ ލީގަށް ދާން ބޭނުން ނުވާ ކަމަށެވެ.
ކުރޫޒް ވަނީ ރެއާލަށް ކުޅުނު 233 މެޗުގައި 13 ލަނޑު އެ ޓީމަށް ކާމިޔާބު ކޮށްދީފައެވެ. އަދި އޭނާ ވަނީ ރެއާލާއެކު ތިން ޗެމްޕިއަންސް ލީގާއި އެއް ލަލީގާ ކާމިޔާބު ކޮށްފައެވެ.
ކުރޫޒަކީ ރެއާލްގެ މެދުތެރެއަށް ކުޅެމުން އަންނަ މުހިންމު ކުޅުންތެރިޔެކެވެ.
