ވެސްޓް ބެންގާލްގެ އެކި ކަންކޮޅުތަކުގައި ޑޮކްޓަރުން ކުރަަމުންދިޔަ ހަޅުތާލު ނިމުމަކަށް އެ ސްޓޭޓްގެ ޗީފް މިނިސްޓަރ މާމަތާ ބަނޭރްޖީއާ އެކު ގެނައުމަށް ޑޮކްޓަރުން އެއްބަސްވުމަކަށް އަތުވެއްޖެއެވެ.
މުޒާހަރާތައް ހުއްޓާލުމަށް އެއްބަސްވީ ހޯމަ ދުވަހު ބޭއްވި ބައްދަލުވުމުގައި އެމީހުންގެ ޑިމާންޑްތަކަށް އިޖާބަ ދިނުމަށް ސަރުކާރުން އެއްބަސްވުމުންނެވެ.
އިންޑިއާގެ ޑޮކްޓަރުން މުޒާހަރާކުރަން ފެށީ ކަލްކަތާގެ އެންއާރުއެސް މެޑިކަލް ކޮލެޖް އެންޑް ހޮސްޕިޓަލުގައި އޮތް ބަލިމީހެއްގެ އާއިލާމީހަކު ޖޫނިއަރ ޑޮކްޓަރަކަށް ހަމަލާދިނުމުން އޭނާ މަރުވި ހާދިސާއަށްފަހު ޖޫން މަހުގެ 11 ވަނަ ދުވަހުން ފެށިގެންނެވެ.
އެ ހޮސްޕިޓަލުގެ ޑޮކްޓަރުން މަސައްކަތް ހުއްޓާލައި ކުރަން ފެށި މުޒާހަރަގައި ގައުމުގެ އެކި ކަންކޮޅުތަކުން ޑޮކްޓަރުން ވަނީ ބައިވެރިވެފައެވެ.
ކަލްކަތާގެ ޑޮކްޓަރުން އެއްބަސްވުމަކަށް ގޮސް މުޒާހަރަ ހުއްޓާލާފައިވާއިރު، އޯޕިޑީ އާއި އެ ނޫން ވެސް އެންމެ ޒަރޫރީ ނޫން ސިއްޚީ ޚިދުމަތްތައް ހުއްޓާލުމަށް ފަހު އިންޑިއަން މެޑިކަލް އެސޯސިއޭޝަންގެ ޑޮކްޓަރުން ގެންދަނީ ހޯމަ ދުވަހުގެ ހެނދުނުް ފެށިގެން 24 ގަޑިއިރަށް ދެމިގެންދާ މުޒާހަރާއެއް ކުރަމުންނެވެ.
