ބޮލީވުޑްގެ މަޝްހޫރު ލިޔުންތެރިޔާ އަދި ޑިރެކްޓަރ، އެކްޓަރ ގިރިޝް ކަރްނާޑް މަރުވެއްޖެއެވެ.
އޭނާ މަރުވީ ހޯމަ ދުވަހުގެ ހެނދުުނު، ބެންގަލޯރުގައި ހުންނަ އޭނާގެ ގޭގައެވެ.
ގިރިޝް މަރުވިއިރު، އޭނާގެ އުމުރަކީ 81 އަހަރެވެ.
ސްކްރީން ޕްލޭތައް ވެސް ލިޔުމުގެ އިތުރުން އޭނާއަކީ އެކްޓަރެއް އަދި ޑިރެކްޓަރެއް ވެސް މެއެވެ. ގިރިޝް ކަރްނާޑުގެ ލިޔުންތަކުގެ ރީތިކަމުން، ބައެއް ހޮލީވުޑްގެ ލިޔުންތެރިން ވަނީ، އޭނާގެ ލިޔުންތައް އިނގިރޭސި ބަހަށް ބަދަލުކޮށްގެން ވެސް ގެނެސްދީފައެވެ.
މީގެ އިތުރުން، ގިރިޝް ވަނީ ހަތަރު ފަހަރެއްގެ މަތިން ފިލްމްފެއަރ އެވޯޑު ވެސް ހޯދާފައެވެ. އޭގެ ތެރެއިން ތިން އެވޯޑަކީ އެންމެ މޮޅު ފިލްމް ޑައިރެކްޓަރު ކަމުގެ އެވޯޑެވެ. އިތުރަށް ލިބިފައިވާ އެވޯޑަކީ އެންމެ މޮޅު ސްކްރީން ޕްލޭގެ އެވޯޑެވެ.
އިންޑިއާގައި ލިޔުންތެރިކަމުގެ ރޮނގުން އެންމެ މަތިން ދޭ އެވޯޑު ކަމުގައިވާ ގިޔާންޕިތް އެވޯޑު ވެސް އޭނާއަށް ވަނީ ލިބިފައެވެ.
އޭނާ އެންމެ ފަހުން ފެނިގެންގޮސްފައި ވަނީ ސަލްމާން ހާންގެ ފިލްމް "ޓައިގަރ ޒިންދާހޭ" އިންނެވެ.
