ޗެރިޓި ޝީލްޑްގެ ދެވަނަ ލެގުގައި ޓީސީ ސްޕޯޓްސް ކްލަބާއި ށ. ފޯކައިދޫ ބައްދަލުކުރާ ދެވަނަ ލެގުގެ މެޗު ފަސްކޮށްފިއެވެ.

ޓީސީ އާއި ފޯކައިދޫ ބައްދަލުކުރާ ދެވަނަ ލެގުގެ މެޗު ހޯމަ ދުވަހު ކުޅޭ ގޮތަށް ހަމަޖެހިފައި އޮތް ނަމަވެސް، އެފްއޭއެމުން ބުނީ މޫސުން ގޯސްވުމުގެ ސަބަބުން ދަތުރުކުރަން ފޯކައިދޫ ޓީމަށް ދަތިތަކެއް ހުރުމުން މެޗު އަންގާރަ ދުވަހަށް ފަސްކުރެވިފައިވާ ކަމަށެވެ.

ޓީސީ އާއި ފޯކައިދޫ ބައްދަލުކުރި ފުރަތަމަ ލެގުގެ މެޗު ނިމުނީ 1-1 ގެ ނަތީޖާއިން އެއްވަރުވެގެންނެވެ.

އެގޮތުން ދެވަނަ ލެގުގެ މެޗުން އެއް ލަނޑުގެ ތަފާތުން ފޯކައިދޫ މޮޅުވާން މަޖުބޫރުވާނެއެވެ. މި ދެޓީމު ބައްދަލުކުރާ މެޗު ލަނޑެއް ނުޖެހި އެއްވަރުވެއްޖެއްޔާ، މޮޅުވާނީ އަވޭ ގޯލެއްގެ ފައިދާ ލިބިފައިވާ ޓީސީއެވެ.

އެހެން އަހަރުތަކާ ހިލާފަށް ހޯމް އެންޑް އަވޭ އުސޫލުން ކުޅޭ ޗެރިޓީ ޝިލްޑް މެޗުގައި ޓީސީ އާއި ފޯކައިދޫ ބައްދަލުކުރާ މެޗު ފަށާނީ ހޯމަ ދުވަހުގެ 21:00 ޖަހާއިރެވެ.

ފުރަތަމަ ޑިވިޝަންގެ މެޗެއް އެންމެ ފަހުން އަތޮޅު ތެރޭގައި ކުޅުނީ 2015 ވަނަ އަހަރެވެ. އެ ފަހަރު ގަލޮޅު ދަނޑުގެ ވިނަގަނޑު ހަލާކުވުމުން ޕްރެޒިޑެންޓްސް ކަޕް ކުޅުނީ ހދ. ކުޅުދުއްފުއްޓާއި، ސ. ހިތަދޫގައެވެ.

މިދިޔަ އަހަރުގެ ޗެރިޓީ ޝިލްޑް މެޗު އެފްއޭއެމުން ނުބާއްވައެވެ. އެންމެ ފަހުން ޗެރިޓީ ޝިލްޑް ކާމިޔާބުކުރީ 2017 ވަނަ އަހަރު، 0-1 ގެ ނަތީޖާއިން ވެލެންސިއާ ބަލިކޮށް މާޒިޔާއިންނެވެ.