ބައިބަލާ އެސޯސިއޭޝަނުން އިންތިޒާމުކޮށްގެން ބާއްވާ "އީދު ބައިބަލާ 1440" ގެ ގަދަ 16 އަށް ދަތުރުކުރި ޓީމުތައް ކަށަވަރުވެއްޖެއެވެ.

މުބާރާތުގެ ފުރަތަމަ ބުރުގައި ކުޅުނު މެޗުތައް ކާމިޔާބުކޮށް ގަދަ 16 އިން ޖާގަ ހޯދާފައި ވަނީ އެލްޓީ ސްޕޯޓްސް ކްލަބް، ކްލަބް ގްރީން ސްޓްރީޓްސް، ވިއެނާ ޓައުން، ދަ ގޯޅި ސްޕޯޓްސް ކްލަބް، ކުޑަ ހެންވޭރު ޔުނައިޓެޑް، ޕަންކް ހޫލިގަންސް، ހައްހާ ވައިކަންމަތި، ހުޅުމާލެ ސްޕޯޓްސް ކްލަބް، ކްލަބް ޒެފްރޯލް، ވީކޭ ސްޕޯޓްސް ކްލަބް، މީޓް ދަ އީގަލްސް، ކުޑަހެންވޭރު ބީޗް، ވިއެނާ ސްޕޯޓްސް، ކުޑަހެންވޭރު ލަޔަންސް، ޕަންކް ނެކްސްޓް ލެވެލް އަދި ކްލަބް ޓީނޭޖެވެ.

ގަދަ 16 ގެ ފުރަތަމަ މެޗުގައި ބައްދަލުކުރާނީ އެލްޓީ ސްޕޯޓްސް ކްލަބާއި، ކްލަބް ގްރީން ސްޓްރީޓްސްއެވެ. ދެވަނަ މެޗުގައި ވިއެނާ ޓައުންއިން ދަ ގޯޅި ސްޕޯޓްސް ކްލަބާ ދެކޮޅަށް ނިކުންނައިރު، ތިން ވަނަ މެޗުގައި ކުޑަ ހެންވޭރު ޔުނައިޓެޑު ނިކުންނާނީ ޕަންކް ހޫލިގަންސްއާ ދެކޮޅަށެވެ.

ހަތަރު ވަނަ މެޗުގައި ހައްހާ ވައިކަންމަތި އާއި ހުޅުމާލެ ސްޕޯޓްސް ކްލަބް ވާދަކުރާއިރު، ފަސްވަނަ މެޗުގައި ބައްދަލުކުރާނީ ކްލަބް ޒެފްރޯލް އާއި ވީކޭ ސްޕޯޓްސް ކްލަބް، މީޓް ދަ އީގަލްސް އާއި ކުޑަހެންވޭރު ބެންޗް އާއި ވިއެނާ ސްޕޯޓްސް އާއި، ޕަންކް ނެކްސްޓް ލެވެލްއެވެ.

މި ފަހަރުގެ މުބާރާތުން އެއް ވަނައަށްދާ ޓީމަށް އެއް ލައްކަ ރުފިޔާ ދިނުމަށް ހަމަޖެހިފައިވާއިރު، ދެވަނަ ޓީމަށް 40،000 ރުފިޔާ ދިނުމަށް ވަނީ ހަމަޖެހިފައެވެ. އަދި "މިސްޓަ ބައިބަލާ" އަށް މިފަހަރު 10،000 ރުފިޔާ ދޭއިރު، ފެއާޕްލޭ ޓީމަށް 15،000 ރުފިޔާ ދިނުމަށް ވަނީ ނިންމާފައެވެ.

މި މުބާރާތުގެ މެޗުތައް ކުޅެމުން އަންނަނީ ކުޅިވަރު އެކުވެނި މެރީ ބްރައުން ފުރަގަހުގައެވެ.