ސުވިޒަލޭންޑުގެ ޖެނީވާގައި މިހާރު ކުރިއަށްދާ 72 ވަނަ ވޯލްޑް ހެލްތު އެސެމްބްލީ (ޑަބްލިއުއެޗްއޭ) ގެ ކޮމިޓީ "ބީ"ގެ ވައިސް ޗެއަރމަނަކަށް ހެލްތު މިނިސްޓަރ އަބްދުﷲ އަމީން އައްޔަން ކުރައްވައިފި އެވެ.
މި ބައްދަލުވުމުގެ އެޖެންޑާގައި މަޝްވަރާކުރުމަށް ހަމަޖެހިފައިވާ މުހިއްމު ކަންތައްތަކުގެ ތެރޭގައި ދުނިޔޭގެ ސިއްހަތު ޖަމިއްޔާ، ޑަބްލިއުއެޗްއޯގެ ގައުމުތަކަށް ފަންނީ އެހީ ބެހިގެންދާ ދާއިރާތަކާއި ޑަބްލިއުއެޗްއޯގެ އެހީގެ ދަށުން ގައުމުތަކަށް އެންމެ ހަރުދަނާ ގޮތަށް މަސައްކަތް ކުރެވޭނެ ގޮތްތަކާ ގުޅޭ މަޝްވަރާތައް ހިމެނެއެވެ.
ވޯލްޑް ހެލްތު އެސެމްބްލީގެ ހަވާސާގެ ތެރެއިން ބުދަ ދުވަހު މިނިސްޓަރ ވަނީ ނޭޕާލްގެ ޑެޕިއުޓީ ޕްރައިމް މިނިސްޓަރ އަދި މިނިސްޓަރ އޮފް ހެލްތުއާ ބައްދަލު ކުރައްވާފައި ކަމަށެވެ.
އަދި މީގެ އިތުރުން މިނިސްޓަރ ވަނީ ސްޕެއިންގެ ރާނީ ލެޓީޒިއާއާ ބައްދަލުކުރައްވާ މަޝްވަރާ ކުރައްވާފައެވެ.
