"ލެންފެކް ސިމްޕޯސިއަމް އެންޑް އެގްޒެބިޝަން 2019" ގައި ބައިވެރިވެ ވަޑައިގަތުމަށް ޗީފް އޮފް ޑިފެންސް ފޯސް އަބްދުﷲ ޝަމާލް އާދިއްތަ ދުވަހުގެ މެންދުރުފަހު އެމެރިކާއަށް ފުރާ ވަޑައިގެންފިއެވެ.

އިންޑިއަން ޕެސިފިކް އޯޝަންގެ ގައުމުތަކުގެ އަސްކަރިއްޔާތަކުގެ ގުޅުން ބަދަހި ކުރުމަށް ބާއްވާ މި ސިމްޕޯޒިއަމް ކުރިއަށް ދާނީ މި މަހުގެ 21 ވަނަ ދުވަހުން ފެށިގެން 23 ވަނަ ދުވަހުގެ ނިޔަލކަށް އެމެރިކާގެ ހަވާއީގައެވެ.

މި ދަތުރުފުޅުގައި ޗީފްއޮފް ޑިފެންސް ފޯސްގެ އަރިއަހުގައި ސާޖަންޓް މޭޖަރ ހަސަން ފަޔާޒް ބައިވެރިވެ ވަޑައިގެންނެވި އެވެ.

މި ދަތުރުފުޅުގައި ޗީފް އޮފް ޑިފެންސްފޯސް އަށް ވެލާނާ އިންޓާރ ނޭޝަނަން އެއާރޕޯޓުން އަލްވަދާއު ދެންނެވީ ވައިސް ޗީފް އޮފް ޑިފެންސް ފޯސް ބްރިގޭޑިއަރ ޖެނެރެލް އަބްދުއްރަހީމް އަބްދުލް ލަތީފާއި ޖެނެރަލް އޮފިސަރުންނެވެ.