ރެޒިޑެންސް ވިސާއަށް ގެނައި ބަދަލުތަކާ ބެހޭ ގޮތުން ލަންކާގެ ބޮޑުވަޒީރު، ރަނިލް ވިކްރަމް ސިންގްހައާ ބައްދަލުކުރައްވާ މަޝްވަރާ ކުރައްވާނެ ކަމަށާއި، ވިސާގެ މައްސަލައަށް ހައްލު ހޯދޭނެ ކަމުގެ ޔަގީންކަން އެބަ އޮތް ކަމަށް ފޮރިން މިނިސްޓަރު އަބްދުﷲ ޝާހިދު ވިދާޅުވެއްޖެއެވެ.
މިނިސްޓަރު ޝާހިދު ވިދާޅުވީ އަލަށް ސްރީލަންކާގައި ރެޒިޑެންސް ވިސާގައި ތިބެން ބޭނުންވާ ދިވެހިން، ރާއްޖޭގައި ހުންނަ ސްރީލަންކާ އެމްބަސީން ވިސާ ނަގަންޖެހޭ ގޮތަށް އުސޫލު ބަދަލުކޮށްފައި ވާތީ އެކަމާ ބެހޭ ގޮތުން ފުޅާ ދާއިރާއެއްގައި މަޝްވަރާ ކުރައްވާނެ ކަމަށެވެ. މިނިސްޓަރު ވިދާޅުވީ ދެ ގައުމުގެ ހުރި އެހެނިހެން މައްސަލަތަކަށް އަލިއަޅުއްވާ ލައްވާ މަޝްވަރާ ކުރައްވާނެ ކަމަށެވެ.
މިނިސްޓަރު ޝާހިދު ވިދާޅުވީ މި ހުރިހާ ކަމަކަށް ދެގައުމުގެ މެދުގައި އޮތް ބަދަހި ގުޅުމުގެ ތެރެއިން ހައްލު ހޯދޭނެ ކަމުގެ ޔަގީންކަން އެބަ އޮތް ކަމަށެވެ.
Will be meeting PM @RW_UNP and Sri Lankan leadership tomorrow and discuss the newly introduced changes to the resident visa regime as well as other issues of common concerns. I’m confident that we will find solutions based on the trust between our two peoples and Governments! https://t.co/IuRgY4tqMC
— Abdulla Shahid (@abdulla_shahid) May 7, 2019
މިނިސްޓަރު ޝާހިދު ލަންކާއަށް ވަޑައިގެންނެވީ އަންގާރަ ދުވަހުގެ ވަގުތެއްގައެވެ.
މިނިސްޓަރު ލަންކާގެ މި ދަތުރުފުޅުގައި ލަންކާގެ ރައްޔިތުންގެ މަޖިލީހުގެ ރައީސް ކަރޫ ޖަޔަސޫރިޔާ އަދި އިދިކޮޅު ލީޑަރ މަހިންދަ ރާޖަޕަކްސައާ ވެސް ބައްދަލުކުރެއްވުމަށް ވަނީ ހަމަޖެހިފައެވެ.
