ލ. ލިންކް ރޯޑްގައި ހެލްމެޓް ނާޅާ ފަރާތްތައް ފުލުހުން ބަލަމުންދާނެ ކަމަށް އަތޮޅު ކައުންސިލުން ބުނެފިއެވެ.
އަންގާރަ ދުވަހު ލ. އަތޮޅު ކައުންސިލުން ކޮށްފައިވާ ޓްވީޓެއްގައި ބުނެފައިވަނީ ރޭ 12:00 އިން ފެށިގެން ހައްދުންމަތީ ބޮޑުމަގުގައި 30 ކިލޯމީޓަރަށް ވުރެން ބާރަށް ދުއްވޭ ސަރަހައްދުތަކުގައި ހެލްމެޓް އަޅާތޯ ޓްރެފިކް ފުލުހުން ބަލަމުން ދާނެ ކަމަށެވެ.
މިރޭ 12:00 އިން ފެށިގެން ހައްދުންމަތީ ބޮޑުމަގުގައި 30ކިލޯމީޓަރަށްވުރެ ބާރަށް ދުއްވޭ ސަރަހައްދުތަކުގައި ހެލްމެޓް އަޅާތޯ ޓްރެފިކް ފުލުހުން ބަލަމުންދާނެ
— Laamu Atoll Council (@Laamu_AC) April 30, 2019
މިދިޔަ މަހުގެ 10 ވަނަ ދުވަހުން ފެށިގެން ޓްރާންސްޕޯޓް މިނިސްޓްރީން ވަނީ މާލޭގައި 30 ކިލޯ މީޓަރަށް ވުރެ ބާރަށް ދުއްވަން ހުއްދަ ދީފައިވާ ތަންތަނުގައި ހެލެމެޓް އަޅަން މަޖުބޫރުކޮށްފައެވެ. އަދި މާލެއާ ހުޅުލެއާ ދެމެދު އަޅާފައިވާ ސިނަމާލެ ބުރިޖު ހުރަސްކުރާ ދެ ފުރޮޅުލީ އުޅަނދު ތަކުގައި ދަތުރުކުރާ ފަރާތްތައް ހެލްމެޓް ބޭނުން ކުރުމަށް ވެސް ޓްރާންސްޕޯޓް އޮތޯރިޓީން ވަނީ މަޖުބޫރުކޮށްފައެވެ.
