ސްރީ ލަންކާގެ ކްރިސްޓިއަނުން އީސްޓަ ސަންޑޭ ފާހަގަ ކުރަމުން ދަނިކޮށް ތިން ފައްޅިއެއްގަ އާއި ކޮލަމްބޯގެ ބައެއް ތަންތަނުގައި ބޮންތަކެއް ގޮއްވާލި ހަމަލާގައި ގިނަ އަދަދެއްގެ ބަޔަކު މަރުވެއްޖެ އެވެ.
ލަންކާގައި ގިނަ އަދަދެއްގެ ދިވެހިން ދިރިއުޅެމުންދާއިރު، ބޮމުގެ ހަމަލާތަކުގައި ދިވެއްސަކު ނިޔާވި ކަމެއް، ނުވަތަ ޒަހަމްވިކަމުގެ ރިޕޯޓެއް އަދި ލިބިފައެއް ނުވެ އެވެ.
ބޮން ގޮއްވާލި ތަންތަން:
- ކޮއްޗިކަޑޭ ފައްޅި
- ކަޓުވަޕިޓިޔާ ފައްޅި
- ބެޓިކޮއްލާގައި ހުންނަ ފައްޅިއެއް
- ސަންގްރިއްލާ ހޮޓެލް
- ސިނަމަން ގްރޭންޑް ހޮޓެލް
- ކިންގްސް ބަރީ
މިއީ މި ފަހުގެ ތާރީޚުގައި ލަންކާގައި ދިން އެންމެ ވަރުގަދަ ހަމަލާއެވެ. ބައެއް ރިޕޯޓްތައް ބުނާ ގޮތުން ބޮމުގެ ހަމަލާތަކުގައި މަރުވި މީހުންގެ އަދަދު 100 ވުރެ މައްޗަށް ވަނީ އަރައިފަ އެވެ. އަދި ޒަހަމްވި މީހުންގެ އަދަދު 400 އަށް ވުރެ ގިނަ ކަމަށް ރިޕޯޓްތައް ބުނެ އެވެ.
ލަންކާގެ ނޫސްވެރިޔަކު ބުނި ގޮތުގައި، ކޮލަމްބޯގެ ނެޝަނަލް ހޮސްޕިޓަލަށް އެކަނި ވެސް، ބޮމުގެ ހަމަލާތަކުގައި ޒަހަމްވި 295 އަށް ވުރެ ގިނަ މީހުން މިހާރު ވަނީ ގެންގޮސްފަ އެވެ.
ބޮމުގެ ހަމަލާތައް ދިނީ ކޮން ގޮތަކަށް ކަމެއް، އަދި ކޮން ބައެއް ކަމެއް ނޭނގެ އެވެ.
މި ހަމަލާގައި ފައްޅިތަކަށް ބޮޑެތި ގެއްލުންތަކެއް ލިބިފައިވާއިރު، ބޮން ގޮއްވާލި ހޮޓާތަކަށް ލިބިފައިވާ ގެއްލުމުގެ ތަފްސީލެއް އަދި ނުލިބެ އެވެ.
ދިވެހިން ގުޅުއްވަންވީ ނަންބަރު
ރާއްޖޭގެ ފޮރިން މިނިސްޓްރީން ބުނީ ސްރީ ލަންކާގެ އެކި ސަރަޙައްދުތަކުގައި ބޮންތަކެއް ގޮވި ޙާދިސާގައި ދިވެއްސަކަށް އަނިޔާވިތޯ މިމިނިސްޓްރީއިން ބަލަމުންދާ ކަމަށެވެ. އިމަޖެންސީ ކޮންސިއުލަރ ޚިދުމަތް ބޭނުންފުޅުވާނަމަ ހޮޓްލައިން ނަންބަރު 7983400 އަށް ގުޅުމަށް ވަނީ އެދިފައެވެ.
ސްރީލަންކާގެ އެކި ސަރަޙައްދުތަކުގައި ބޮންތަކެއް ގޮވި ޙާދިސާގައި ދިވެއްސަކަށް އަނިޔާވިތޯ މިމިނިސްޓްރީއިން މިދަނީ ބަލަމުން.
— MFA Maldives (@MDVForeign) April 21, 2019
އިމަރޖަންސީ ކޮންސިއުލަރ ޚިދުމަތް ބޭނުންފުޅުވާނަމަ ކޮންސިއުލރ ހޮޓްލައިން 7983400 އަށް ގުޅުއްވާ.
ލަންކާގައި ތިބި ދިވެހިން ގެއިން ބޭރަށް ނުނިކުތުމަށް ލަންކާގައި ހުންނަ ދިވެހި އެމްބަސީން ވަނީ އިލްތިމާސްކޮށްފަ އެވެ. އަދި އެހީތެރިކަމެއް ހޯދުމަށް ބޭނުންވާ ފަރާތްތަކުން ގުޅުއްވާނެ ނަންބަރުތައް ވެސް ވަނީ ހިއްސާ ކުރައްވައިފަ އެވެ. އެއީ:
94727277072+
94766086660+
94764189900+
Multiple explosions have been reported in Colombo etc. Pls remain indoors. We are closely monitoring the situation. Maldivian citizens in need of assistance/help and seeking clarification may call the following numbers: @MDVembLanka on +94727277072
— MDV Embassy SriLanka (@MDVembLanka) April 21, 2019
+94766086660
+94764189900
Sri Lanka Bombings:
— PM Breaking News (@PMBreakingNews) April 21, 2019
- Massive explosions strike 3 churches and 3 hotels in coordinated Easter Sunday attack in Sri Lanka
- At least 160 dead, 368 injured
- 2 of the attacks were suicide bombings
- Sri Lankan police were warned of bombings last weekpic.twitter.com/lkFOWy1kyh
ލަންކާގެ ދިން ބޮމުގެ ހަމަލަ ހަރުކަށި އިބާރާތުން ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ކުށްވެރިކުރައްވައިފި އެވެ.
Saddened by the horrific events in Sri Lanka this morning. My heartfelt sympathies to all affected by this cowardly act of terror. At this difficult time, I affirm our solidarity with the government and people of Sri Lanka and assure our support in the fight against terrorism.
— Ibrahim Mohamed Solih (@ibusolih) April 21, 2019
ސްރީ ލަންކާގައި ދިން ބޮމުގެ ހަމަލާ ރާއްޖޭގެ ފޮރިން މިނިސްޓަރު އަބްދުﷲ ޝާހިދު ވަނީ ކުށްވެރި ކުރައްވައިފަ އެވެ.
Shocked and saddened by reports of multiple explosions in Colombo and elsewhere in #SriLanka. Condemn unreservedly this heinous terroristic attack claiming numerous lives and injuring many. Our deepest condolences & prayers are with Govt & people of Sri Lanka & affected families.
— Abdulla Shahid (@abdulla_shahid) April 21, 2019
ބަންޑާރަނަޔަކަ އިންޓަނޭޝަނަލް އެއާޕޯޓްގެ ސެކިއުރިޓީ ވަރުގަދަކޮށްފައި
ބޮމުގެ ހަމަލާތަކާ ގުޅިގެން ބަންޑާރަނަޔަކަ އިންޓަނޭޝަނަލް އެއާޕޯޓްގެ ސެކިއުރިޓީ ވަނީ ވަރުގަދަކޮށްފަ އެވެ. ފުރަންދާ މީހުން ހަތަރު ގަޑިއިރު ކުރިން ޗެކިން ހެދުމަށް ވަނީ އިލްތިމާސްކޮށްފަ އެވެ. އަދި ފުރަންދާ މީހުން ފިޔަވައި އެހެން މީހުން އެއާޕޯޓަށް ވަނުން ވަނީ މަނާކޮށްފަ އެވެ.
