ލަޔަން އެއަރގެ ފްލައިޓް ވެއްޓުނު ހާދިސާގައި މަރުވި އިތުރު ބައެއް މީހުންގެ އާއިލާތަކުންވެސް ބޯއިންގ ކުންފުންޏާ ދެކޮޅަށް ދައުވާ ކޮށްފިއެވެ.

އިތުރު އާއިލާތަކުން ބޯއިންގެ މައްޗަށް ދައުވާކޮށްފައިމިވަނީ ބޯއިންގ 737 މެކްސް8ގެ އެބޯޓްގެ ސޮފްޓްވެއަރ އަޕްޑޭޓް ކުރެވުނު ނަމަ އެ ހާދިސާ ހިނގުމުގެ ފުރުސަތު ކުޑަކުރެވުނީސްކަމަށް ވިދާޅުވެ ބޯއިންގގެ ޗީފް އެގްޒެކްޓިވް މައާފަށް އެދިވަޑައިގެންފައިވަނިކޮށެވެ.

މަރުވި މީހުންގެ އާއިލާ މެމްބަރުންނާއީ ވަކީލުން ހޯމަ ދުވަހު ބުނީ އޮޓޮމޭޓެޑް ފްލައިޓް ސިސްޓަމާ ބެހޭގޮތުން ސީއީއޯ ޑެނިސް މުއިލެންބަރ މިދިޔަ ހަފްތާގައި ދެއްކެވި ވާހަކަފުޅަކީ އިއުތުރާފެއް ކަމަށާއި އެކަން އެ ދައުވާއަށް އެހީއަކަށް ވާކަމަށެވެ.

ލަޔަން އެއަރގެ ފްލައިޓް ޖޭޓީ 610 ޖަކާޓާ އިން ފުރިތާ އިރުކޮޅެއްގެ ތެރޭގައި ޖާވާ ކަނޑަށް ވެއްޓުނު ހާދިސާ ހިނގާފައިވަނީ 2018 އޮކްޓޯބަރ މަހުގެ 29 ވަަނަ ދުވަހުއެވެ.

ބޯއިންގ 737 ގެ މި ބޯޓް ވެއްޓުނު އިރު ބޯޯޓުގައި 189 މީހުން ދަތުރުކޮށްފައި ވާއިރު އެއްވެސް މީހަކު ސަލާމަތް ވެފައި ނުވެއެވެ.

އޭގެ ފަހުން މި އަހަރުގެ މާރިޗް މަހުވެސް ވަނީ އިތިއޯޕިއަން އެއަރލައިންސްގެ މެކްސް 8 ގެ ބޯޓެއް ވެއްޓިފައެވެ. އެހާދިސާގައިވެސް ބޯޓުން ދަތުރުކުރި އެންމެން މަރުވެފައިވާއރު ދެ ހާދިސާގައި މަރުވި މީހުންގެ އަދަދު 346 އަށް އަރައެވެ.