ނޮބެލް ސުލްހައިގެ އިނާމަށް 16 އަހަރުގެ ނޯވޭގެ ދަރިވަރެއް ކަމަށްވާ ގްރެޓާ ތުންބާގްގެ ނަން ނޮމިނޭޓް ކޮށްފިއެވެ.
މި އަހަރުގެ ނޮބެލް ސުލްހައިގެ އިނާމަށް ގްރެޓާ ތުންބާގް ނޮމިނޭޓް ވެފައިވާއިރު އޭނާ ވަނީ މޫސުމީ ނޭދެވޭ ބަދަލުތަކާ ދެކޮޅަށް ވަރުގަދަ ހަރަކާތެއް ފަށައި ބައިނަލްއަގުވާމީ ސަމާލުކަން ހޯދާފައެވެ.
މޫސުމާބެހޭ ހަރަކާތް ފެށިތާ އަށް މަހުގެ ތެރޭގައި މުޅި ދުނިޔޭގެ ސަމާލުކަން ހޯދި ގްރެޓާ ތުންބާގް އެ އިނާމަށް ނޮމިނޭޓް ވެފައި ވަނީ އެ ގައުމުގެ ގާނޫނު ހަދާ މަޖިލީހުގެ މެމްބަރުންގެ މަސައްކަތްޕުޅުން ކަމަށް ޚަބަރުތައް ލިބެއެވެ.
ގްރެޓާ ތުންބާގް އަށް ނޮބެލް ސުލްހައިގެ އިނާމު ލިބިއްޖެ ނަމަ އޭނާ ވެގެންދާނީ އެ އިނާމު ލިބުނު އެންމެ ހަގު މީހަކަށެވެ. އެއީ އެރެކޯޑު އަދި އޮތީ އުމުރުން 17 އަހަރުގެ މަލާލާ ޔޫސުފްގެ އަތުގައި ކަމަށް ވާތީއެވެ.
މަލާލާއަށް އެ އިނާމު ލިބުނީ 2014 ވަނަ އަހަރުއެވެ.
