ޔުއެފާ ޗެމްޕިއަންސް ލީގުގެ ކުއާޓާ ފައިނަލްގެ ދެވަނަ ލެގުން ވެސް ބްރޫޝިއާ ޑޯޓްމަންޑް ބަލިކޮށް ޓޮޓެންހަމް ހޮޓްސްޕާ ކުއާޓާއަށް ދަތުރުކޮށްފިއެވެ.
އަންގާރަ ދުވަހުގެ ރޭ ކުޅުނު ދެވަނަ ލެގުގެ މެޗު ޑޯޓްމަންޑްއާ ވާދަކޮށް ޓޮޓެންހަމްއިން ކާމިޔާބުކުރީ 0-1 ގެ ނަތީޖާއަކުންނެވެ. މި ދެ ޓީމު ބައްދަލުކުރި ފުރަތަމަ ލެގުގެ މެޗް 0-3 ގެ ނަތީޖާއަކުން ކާމިޔާބުކުރީ ޓޮޓެންހަމްއެވެ.
އެގޮތުން ޓޮޓެންހަމް ކުއާޓާއިން ޖާގަ ހޯދީ ޑޯޓްމަންޑްގެ މައްޗަށް 0-4 ގެ އެގްރިގޭޓް ނަތީޖާއަކުން ކުރިހޯދައިގެންނެވެ.
ޑޯޓްމަންޑް ދަނޑުގައި ކުޅުނު މި މެޗު ފެށިގެން އެޓީމުގެ ފަރާތުން މޮޅު ކުޅުމެއް ފެނިގެން ގޮސްފައިވާއިރު، ލަނޑު ޖެހުމަށްވެސް ގިނަ ފުރުސަތުތަކެއް ވަނީ ލިބިފައެވެ. ނަމަވެސް އެ ފުރުސަތުތަކުގެ ބޭނުން އެޓީމަށް އެންމެ އެދެވޭ ގޮތުގައި ނުހިފެއެވެ.
މި ހާފްގައި ޓޮޓެންހަމްއަށް ވެސް ވަނީ ލަނޑު ޖެހުމަށް ރަނގަޅު ފުރުސަތުތަކެއް ލިބިފައެވެ. ނަމަވެސް އެ ޓީމަށް ވެސް މި ހާފްގައި ފުރުސަތުތަކުގެ ބޭނުން އެންމެ އެދެވޭ ގޮތެއްގައި ނުހިފެއެވެ.
@HKane is now the Club's all-time leading European goalscorer with 24 goals.#COYS #UCL pic.twitter.com/2EpD4tGuNo
— Tottenham Hotspur (@SpursOfficial) March 5, 2019
ދެވަނަ ހާފް ފެށިގެން މާގިނައިރުތަކެއް ނުވަނީސް ޓޮޓެންހަމް އިން ވަނީ މެޗުގެ ލީޑު ނަގާފައެވެ. މި ލަނޑު އެޓީމަށް ކާމިޔާބުކޮށްދިނީ ސިސޯކޯގެ އެހީތެރިކަމާ އެކު ހެރީ ކޭންއެވެ.
ކޭންގެ ލަނޑާ އެކު ޓޮޓެންހަމްއިން މޮޅަށް ކުޅެމުންދިޔަ ނަމަވެސް، ފަހު 10 ވަރަކަށް މިނެޓު ތެރޭގައި ޑޯޓްމަންޑްގެ ފަރާތުން ނުރައްކާތެރި ހަމަލާތަކެއް ފެނިގެންދިޔައެވެ. ނަމަވެސް އެ ހަމަލާތަކުގެ ބޭނުން އެންމެ އެދެވޭ ގޮތުގައި ނުހިފެއެވެ.
މިއީ މުބާރާތުގެ ކުއާޓާއިން ޓޮޓެންހަމްގެ ތާރީހުގައި ވެސް ފުރުސަތު ތަނަވަސްކުރި ދެވަނަ ފަހަރެވެ.
