ދުބާއީ ޓެނިސް ޗެމްޕިއަންޝިޕް ރޯޖާ ފެޑްރާ ކާމިޔާބުކޮށްފިއެވެ.

ޓެނިސް ސިންގަލްސްގެ 100 މޮޅާއެކު ފެޑްރާ ދުބާއީ ޗެމްޕިއަންޝިޕް ކާމިޔާބުކުރީ ސްޓެފާނޯސް ޓްސީޓްސިޕަސް ބަލިކޮށްގެންނެވެ.

20 ފަހަރަށް ގްރޭންޑް ސްލޭމް ހޯދާފައިވާ ފެޑްރާ ވަނީ ފައިނަލު މެޗު ފަސޭހަ ކަމާއެކު ފުރަތަމަ ދެ ސެޓުން ސްޓެފާނޯސް ބަލިކޮށްފައެވެ.

ރޯޖާ ފެޑްރާ ފުރަތަމަ ސިންގަލްސްއެއް ކާމިޔާބުކޮށްފައި ވަނީ 2001 ވަނަ އަހަރުއެވެ. ރޯޖާ ފެޑްރާ ވެގެންގޮސްފައި މިވަނީ ދެވަނައަށް 100 ސިންގަލްސް ކާމިޔާބުކުރި ޓެނިސް ކުޅުންތެރިޔާއަށެވެ. 1983 ވަނަ އަހަރި 109 މެޗު ކާމިޔާބުކޮށްގެން އެއްވަނާގައި އޮތީ ޖިމީ ކޮނާއެވެ.

ނޫސްވެރިންނަށް މައުލޫމާތު ދެމުން ފެޑްރާ ބުނީ، ސްޓެފާނޯސްއަކީ މުސްތަގުބަލުގައި ބޮޑު ކާމިޔާބީތަކެއް ހޯދާނެ ކުޅުންތެރިއެއް ކަމަށާއި، އެފަދަ ކުޅުންތެރިޔަކާއި ވާދަކޮށްލަން ލިބުމަކީ ފަހުރެއްކަމަށެވެ.

ރޯޖާ ފެޑްރާ ބުނީ މިއީ އޭނާ ދެކެމުންއައި ހުވަފެނެއް ކަމަށާއި ދުބާއީގައި އޭނާގެ 100 ވަނަ މޮޅާއެކު ދުބާއި ޗެމްޕިއަންޝިޕް ލިބުންމީ ހުވަފެން ހަގީގަތަކަށް ވުން ކަމަށެވެ.

މިވަގުތު ދުނިޔޭގެ ހަތް ވަނާގައި އޮތް ފެޑްރާ ހޯމަ ދުވަހު ހަތަރު ވަނައަށް ކުރިއަށް ޖެހިލާނެއެވެ.