ފުލުހުންގެ ބާރު ބޭނުން ކުރަންޖެހޭ މިންވަރަށް ވުރެ ބޮޑަށް ބޭނުން ކުރާ މައްސަލަތައް ބަލާނެ ކަމަށް އެކްޓިން ކޮމިޝަނާ މުހައްމަދު ހަމީދު ވިދާޅުވެއްޖެއެވެ.
ހަމީދު ބުދަ ދުވަހު ކުރެއްވި ޓްވިޓާގައި ވިދާޅުވީ ފުލުހަކު ބާރުގެ ބޭނުން ކޮށްފި ކޮންމެ ހާލަތެއްގައި އެކަން ކުރީ އެންމެ އެކަށީގެންވާ ގޮތެއްގައިތޯ ބަލާނެ އުސޫލުތަކެއް ފުލުހުންގެ ތެރޭގައި ގާއިމް ކުރުމުގެ މަސައްކަތް ކުރިއަށްދާ ކަމަށާއި، ޚާއްސަ ކަންތައްތަކެއް އުސޫލުގައި ހިމަނާފައިވާ ކަމަށެވެ. އަދި މިއުސޫލުގެ ތެރެއިން ކުއްވެރިވާނަމަ ފިޔަވަޅު އަޅާނެ ކަމަށް ހަމީދު ވިދާޅުވިއެވެ.
މީގެ އިތުރުން ހަމީދު ވިދާޅުވީ ވޭތުވެދިޔަ އަހަރުތަކުގައި ފުލުހުން ނުބައްދަލު ބާރު ބޭނުންކޮށްފައިވާކަމުގެ ރިޕޯޓުތައް ވަރަށް ގިނައިން ލިބިފައިވާ ކަމަށެވެ.
We will activate internal mechanisms to review every instance where a police officer uses force. Disproportionate use of force by police has been an issue often discussed in the public domain for many years now. We will take necessary steps to address this.
— Mohamed Hameed (@M_Hameedh) February 20, 2019
ހަމީދު މިހެން ވިދާޅުވެފައިވާއިރު، ބުދަ ދުވަހު ކުރީގެ ރައީސް އަބްދުﷲ ޔާމީން އައިޖީއެމްއެޗަށް ގެނައުމާ އެކު އެމަނިކުފާނުގެ ސަޕޯޓަރުން ހޮސްޕިޓަލަށް އެއްވެ، ޔާމީން މިނިވަންކުރުމަށް ގޮވާލާ މުޒާހަރާ ކުރަންފެށުމުން ފަހަތަށް ޖެއްސުމަށް ފުލުހުން ވަނީ ޕެޕަރ ސްޕްރޭ ޖަހާފައެވެ.
