ރާއްޖެއިން އެކްސްޕޯޓްކުރާ މަހުގެ ބާވަތްތައް ފަސޭހަ އިން އެމެރިކާ މާކެޓްގައި ލިބޭ ގޮތް ހެދުމާ ބެހޭ ގޮތުން ފޮރިން މިނިސްޓަރ އަބްދުﷲ ޝާހިދު ޓްރޭޑް ޕޮލިސީ އެންޑް އިކޮނޮމިކްސްގެ އެސިސްޓެންޓް ޔުނައިޓެޑް ސްޓޭޓްސް ޓްރޭޑް ރެޕްރެޒެންޓޭޓިވް އެޑް ގްރެސާރއާ މަޝްވަރާ ކުރައްވައިފިއެވެ.
އެމެރިކާގެ ސެކްރެޓަރީ އޮފް ސްޓޭޓް، މައިކަލް ރިޗަރޑް ޕޮމްޕެއޯ ދެއްވި ރަސްމީ ދަޢުވަތަކަށް ކުރައްވާ ދަތުރުފުޅުގައި ޔުނައިޓެޑް ސްޓޭޓްސް ޓްރޭޑް ރެޕްރެޒެންޓޭޓިވްގެ އޮފީހުގައި ބޭއްވި ބައްދަލުވުމުގައި ދެ ބޭފުޅުން ވެސް ވަނީ ޓްރޭޑް އެންޑް އިންވެސްޓްމެންޓް ފްރޭމްވޯރކް އެގްރީމަންޓްގެ (ޓީފާ)ގެ ދަށުން ރާއްޖެ އިން އެކްސްޕޯޓް ކުރާ މަހުގެ ބާވަތްތައް އެމެރިކާގެ ފަސޭހައިން ލިބޭނެ ގޮތާއި ދެގައުމުގެ ދެމެދުގައި އިގްތިސާދީ ގުޅުންތައް މިހާރަށް ވުރެ ބޮޑަށް ފުޅާކުރުމާ ބެހޭ ގޮތުން ވާހަކަދައްކަވާފައެެވެ.
FM @abdulla_shahid holds discussions with Assistant USTR for Trade Policy & Economics, Ed Gresser, on avenues to expand trade cooperation b/w Maldives & US, including the resumption of discussions on TIFA to increase access of Maldives fisheries exports to US markets @USTradeRep pic.twitter.com/ITz5C8cbeQ
— Maldives Mission NY (@MVPMNY) February 19, 2019
މިނިސްޓަރ ޝާހިދު ވޮޝިންގްޓަން ޑީސީ އަށް ކުރައްވާ ރަސްމީ ދަތުރުފުޅަށް ފަހު، މި މަހުގެ 25 އިން 27 އަށް ޖެނީވާ އަށް ވަޑައިގަތުމަށް ވަނީ ހަމަޖެހިފައެވެ. މިނިސްޓަރ ޝާހިދު ޖެނީވާއަށް ކުރެއްވުމަށް ހަމަޖެހިފައިވާ ދަތުރުފުޅުގެ ބޭނުމަކީ އދގެ އިންސާނީ ހައްގުތަކާ ބެހޭ ކައުންސިލްގެ 40 ވަނަ ބައްދަލުވުމުގެ ހައި ލެވެލް ސެގްމަންޓްގައި ބައިވެރިވެވަޑައިގަތުމަށް ކަމަށާއި މި ދަތުރުފުޅަށް ފަހު ކައުންސިލް އޮފް ފޮރިން މިނިސްޓަރސްގެ 46 ވަނަ ބައްދަލުވުމުގައި ބައިވެރިވެވަޑައި ގަތުމަށްޓަކައި އަބޫދާބީ އަށް ވަޑައިގަތުމަށް ވެސް ވަނީ ހަމަޖެހިފަވާ ކަމަށް ވެސް ފޮރިން މިނިސްޓްރީން ބުންޏެވެ.
މިނސްޓަރ ޝާހިދުގެ މި ދަތުރުފުޅުގައި އެމަނިކުފާނުގެ އަރިހުގައި މިނިސްޓަރ އޮފް ސްޓޭޓް ފޯ ފޮރިން އެފެއާޒް އަޙްމަދު ޚަލީލް އާއި ޚާރިޖީ ވުޒާރާގެ ބައެއް އިސްބޭފުޅުން ބައިވެރިވެ ވަޑައިގަންނަވައެވެ.
