މާލެއާއި، ބްރިޖާއި އަދި ހައިވޭގައި ފުލުހުންގެ ޗެކްޕޮއިންޓްތައް ގާއިމްކޮށް، ވެހިކަލްތައް ޗެކް ކުރުމުގެ އޮޕަރޭޝަންއެއް ފުލުހުން ހޯމަ ދުވަހުގެރޭ ފަށައިފިއެވެ.
ހޯމަ ދުވަހުގެރޭ ފުލުހުން ބުނީ، މި ޚާއްސަ އޮޕަރޭޝަންގެ ބޭނުމަކީ، އެކްސިޑެންޓްތައް މަދުކޮށް ބާރު ސްޕީޑްގައި ދުއްވުމާއި ޓްރެފިކް ގާނޫނާއި ގަވާއިދުތަކާއި ޚިލާފު އަމަލުތައް ހުއްޓުވުމަށް މަސައްކަތް ކުރުންކަމަށެވެ.
Male' aai Bridge adhi Highway gai vehicle check point gaaimkoh, vehicle thah balaafaas kurumugai fuluhun dhanee harakaai therivamun.
— Maldives Police (@PoliceMv) February 18, 2019
Mi masakkathakee accidentthah madhukoh, baaru speed gai dhuvvumaai traffic gaanoonaai gavaaidhuthakaa hilaafu amaluthah huttuvumah 1/2 pic.twitter.com/GKcQUlWBxz
ފުލުހުން ބުނީ ބާރު ސްޕީޑްގައި ދުއްވާ ފަރާތްތަކާއި ޓްރެފިކް ގަވާއިދުތަކާ ހިލާފުވާ ފަރާތްތައް ހުއްޓުވައި ފިޔަވަޅު އަޅާނެ ކަމަށެވެ.
masakkaiy kurumuge gothun kuriah gendhaa masakkatheh. Mi masakkathuge dhashun Male' aai bridge adhi highway ge eki sarahadhu thakugai fuluhun harakaaitherivamun dhaane. 2/2
— Maldives Police (@PoliceMv) February 18, 2019
މި ފަހަކަށް އައިސް ނުރައްކާތެރި އެކްސިޑެންޓްތައް މާލެއާއި ބްރިޖް އަދި ހައިވޭގައި އިތުރު ވެފައިވާއިރު، މިދިޔަ އަންގާރަ ދުވަހު މަގުހުރަސްކުރަން އުޅުނު އަންހެނެއްގެ ގައިގައި ކާރަކުން ޖެހި ލިބުނު ޒަޚަމްތަކަށް އެމީހާއަށް ފަރުވާދެމުންދަނީމ އައިސީޔޫގައެވެ. އަދި މިދިޔަ ހޮނިހިރު ދުވަހުގެރޭ ހައިވޭގައި ދުއްވި ކާރެއް ކޮންޓްރޯނުވެގެން ގޮސް ހިނގި އެކްސިޑެންޓްގައި އެކާރު ވަނީ ބޭނުން ނުކުރެވޭ މިންވަރަށް ހަލާކުވެފައެވެ. އަދި ހައިވޭގެ އަރިމަތީ ފެންސަށްވެސް ވަނީ ބޮޑެތި ގެއްލުންތަކެއް ލިބިފައެވެ. މި އެކްސިޑެންޓްގައި މީހަކަށް މާބޮޑު ގެއްލުމެއް ލިބިފައެއް ނުވެއެވެ.
