ރާއްޖެއާއި އިންޑިއާ އޮތް އެކުވެރި ގުޅުމަށް ބަލާފައި އިންޑިއާގެ ލަކްޝްދީޕްގެ ސުހެލި އަތޮޅު ކައިރިން ގަވާއިދާ ހިލާފަށް މަސްވެރިކަން ކުރަނިކޮށް ހިފަހައްޓައިފައިވާ ރާއްޖޭގެ މަސްދޯނި ދޫކޮށްލައިފިއެވެ.
އެމްއެންޑީއެފުން ބުނެފައިވަނީ 12 މީހުންނާއި އެކު ދަތުރުކުރި ވީވަރު ނަމަކަށް ކިޔާ މަސްދޯނި އިންޑިއާ ސިފައިން ހިފަހައްޓާފައިވަނީ އިންޑިއާ ސަރަހައްދުގެ ވަރަށް އެތެރެއަށް ވަދެފައިވަނިކޮށް ކަމަށާއި ހޮނިހިރު ދުވަހުގެ ހެނދުނުގެ ވަގުތެއްގައި ދޯނީގެ ތިބިމީހުން ދޫކޮށްލާފައިވާ ކަމަށެވެ. އަދި ދޯނި މިހާރު އަންނަނީ ރާއްޖެއައުމަށް ދަތުރުކުރަމުންނެވެ . މި ހާދިސާއާއި ގުޅިގެން އެމްއެންޑީއެފުން ވަނީ ރާއްޖޭގެ މަސްވެރިކަން ކުރާ ދޯނި ފަހަރު އަވަށްޓެރި އެހެން ގައުމުތަކުގެ އިގްތިސާދީ ސަރަހައްދަށް ނުވަނުމަށާއި އުޅަނދުފަހަރު އަމަލުކުރުމަށް ހަދާފައިވާ ގާނޫނުތަކަށާއި ގަވައިދުތަކަށް ހުރުމަތްތެރިކޮށް ހިތުމަށް އިލްތިމާސް ކޮށްފައެވެ.
Maldivian fishing boat "Veevaru" 12 on board, was found by @IndiaCoastGuard off the island Suheli in Lakshadweep yesterday. The boat and the crew have now been released, are on their way back to the Maldives. pic.twitter.com/7oxNc4n3iK
— Maldives National Defence Force (@MNDF_Official) February 16, 2019
އެމްއެންޑީއެފް އިން ބުނީ، ރާއްޖޭގެ ސަރަހައްދުގައި ގަވާއިދާ ހިލާފަށް އުޅޭ ބޭރުގެ މަސް ދޯނިތައް ފެނުމުން ހުއްޓުވާ، ހަމަޖެހިފައިވާ އުސޫލުގެ މަތިން ފިޔަވަޅު އަޅަމުންދާ ކަމަށާއި އިންޑިއާއިން ވެސް އެ ގައުމުގެ ސަރަހައްދަށް ގަވާއިދާ ހިލާފަށް ވަންނަ ދޯނިތައް އެމީހުންގެ ބެލުމުގެ ދަށަށް ގެންދަމުންދާ ކަމަށެވެ.
