އެމްއެމްޕީއާރުސީގެ 1.3 ބިލިއަން ރުފިޔާގެ ހިޔާނާތުގެ ފައިސާ ވަނީ މިނިވަން މުއައްސަސާތަކާއި ގާނޫނު ފުނޑުފުނޑުކޮށްލުމަށް ބޭނުންކޮށްފައި ކަމަށް ކުރީގެ ނައިބު ރައީސް ޑރ. މުހައްމަދު ޖަމީލް އަހުމަދު ވިދާޅުވެއްޖެއެވެ.
Any deal done through MMPRC that didn’t benefit our people must be immediately terminated. While Prez @ibusolih’s swift action is a welcome sign, MMPRC corruption is just the tip of the iceberg; other major corrupt activities took place over the past years... 1/3
— Mohamed Jameel Ahmed (@MJameelAhmed) February 14, 2019
އެންޓިކޮރަޕްޝަން ކޮމިޝަނުން ބުރާސްފަތި ދުވަހު ނެރުނު ރިޕޯޓާއި ގުޅިގެން ޑރ. ޖަމީލް ކުރެއްވި ޓުވީޓެއްގައި ބުނެފައިވަނި އެމްއެމްޕީއާރުސީ މެދުވެރިކޮށް ދައުލަތާއި ރައްޔިތުންނަށް ފައިދާނުވާ ގޮތަށް ހަދާފައިވާ ހުރިހާ އެއްބަސްވުމެއް ވަގުތުން ވަގުތަށް އުވާލަންޖެހޭކަމަށާއި ހިޔާނާތުގެ ފައިސާ ވަނީ މިނިވަން މުއައްސަސާތަކާއި ގާނޫނޫ ފުނޑުފުނޑުކޮށްލުމަށް ބޭނުންކޮށްފައިކަމަށެވެ. އެމްއެމްޕީއާރުސީގެ 1.3 ބިލިއަން ރުފިޔާގެ ހިޔާނާތަށްވުރެ ބޮޑެތި ކޮރަޕްޝަން ފާއިތުވެގެންދިޔަ ތިން އަހަރު ހިންގާފައިވާކަމަށް ވެސް ޖަމީލް ވަނީ ތުހުމަތުކުރައްވާފައެވެ.
... & those funds were used to destroy our democratic institutions & constitutional system, including disastrous laws/amendments & the removal of elected VP. Those who benefited are still as powerful as ever, camouflaging themselves at the highest levels of govt & state ... 2/3
— Mohamed Jameel Ahmed (@MJameelAhmed) February 14, 2019
އެގޮތުން ރައްޔިތުން ވޯޓް ދީގެން އައްޔަނުކުރި ނައިބު ރައީސް މަގާމުން ދުރުކުރުމަށް ބާރުގެ ބޭނުންކޮށް ގަވާއިދުތައް ހަދައިފައިވާ ކަމަށް ޖަމީލް ވަނި ވިދާޅުވެފައެވެ. ރައީސުލްޖުމްހޫރިއްޔާގެ ނައިބުގެ މަގާމުން ޑރ ޖަމީލް ދުރުކޮށްފައިވަނި ބަޣާވާތްކޮށް އޭއިރު ރައީސުލްޖުމްހޫރިއްޔާ އަޒުލުކުރަން އުޅުނުކަމުގެ ތުހުމަތުގައި މަޖިލީހުގައި ނެގި އިތުބާރު ނެތްކަމުގެ ވޯޓުން މެމްބަރުންގެ އިއްތިފާގުންނެވެ. އޭރު މަޖިލީހުގެ މެޖޯރިޓީ ޕާޓީއަކީ ޕީޕީއެމްކަން ފާހަގަކޮށްލެވެއެވެ.
... ‘Zero Tolerance’ can only be a concrete policy if meaningful action is taken against everyone involved regardless of their influence or political affiliation. Entire country is watching! 3/3
— Mohamed Jameel Ahmed (@MJameelAhmed) February 14, 2019
ޑރ ޖަމީލް އިތުރަށް ވިދާޅުވެފައި ވަނީ ހިޔާނާތުގެ ފައިސާއިން އެންމެ ބޮޑަށް ފައިދާ ނެގި މީހުން މިހާރު ވެސް ސަރުކާރުގެ އެކި މަގާމުތަކުގައި ފިލާ ތިބިއިރު އެމީހުންގެ ބާރު އަދިވެސް އެހާ ގަދަ ކަމަށެވެ. ޑރ ޖަމީލް ވިދާޅުވީ ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު އިފްތިތާހުކޮށްދެއްވި ޒީރޯ ޓޮލެރެންސް ޕޮލިސީ ހަރުދަނާ ޕޮލިސީއަކަށް ވާނީ ސިޔާސީ ނުފޫޒަކަށް ބެލުމެއް ނެތި ބޮޑު ހިޔާނާތުގައި ބައިވެރިވި ހުރިހާ މީހުންނާއި މެދުގައި އެކަށީގެންވާ ފިޔަވަޅު އެޅިގެންކަމަށެވެ
