ކ. ހިންމަފުއްޓަށާއި ތުލުސްދޫ އަށް ރައީސުލްޖުމްހޫރީއްޔާ އަބްދުﷲ ޔާމީން އަބްދުލް ގައްޔޫމް މިއަދު ދަތުރުފުޅެއް ކުރެއްވުމަށް ނިންމަވާފައިވާ ކަމަށް ރައީސް އޮފީހުން ބުނެފިއެވެ.
ރާއްޖެއެމްވީ އަށް މައުލޫމާތު ދެއްވަމުން ރައީސް އޮފީހުން ބުނީ ރައީސް ޔާމީން އެ ދެރަށް ވަޑައިގަންނަވަނީ އެ ދެ ރަށުގެ ހިއްކި ސަރަހައްދު ރަސްމީކޮށް ހުޅުވައިދެއްވުމަށް ކަމަށެވެ.
ރައީސް އޮފީހުން ބުނީ ތުލުސްދޫއަށާއި މާފުއްޓަށް ރައީސް ފުރާވަޑައިގަތުމަށް ހަމަޖެހިފައި ވަނީ މިއަދު މެންދު ފަހު ކަމަށެވެ. އަދި އިރުއޮއްސޭއިރު މާލެ ވަޑައިގަންނަވާނެ ކަމަށް ރައީސް އޮފީހުން ބުނެފައި ވެއެވެ.
ރައީސްގެ މި ދަތުރުފުޅުގައި އެ ދެރަށުގެ ރައްޔިތުންނާ ބައްދަލު ކުރެއްވުމަށް ވެސް ހަމަޖެހިފައިވާ ކަމަށް ރައީސް އޮފީހުން ބުނެއެވެ.
