އޭޝިއަން ފުޓްބޯލް ކޮންފެޑެރޭޝަން (އޭއެފްސީ) ގެ ރައީސް ޝައިހް ސަލްމާން ބިން އިބްރާހިމް ހަލީފާއާ ރާއްޖޭގެ ކުޅިވަރާބެހޭ ވަޒީރު އަހުމަދު މަހުލޫފް ބައްދަލުކުރައްވާ ގޮތަށް ހަމަޖެހިއްޖެއެވެ.
ރާއްޖެއެމްވީއަށް މައުލޫމާތު ލިބިފައިވާ ގޮތުގައި ހޮނިހިރު ދުވަހު ލަންޑަނުގައި އޮންނަ މި ބައްދަލުވުމަކީ ސީދާ ޝައިހް ސަލްމާންގެ އެދުމުގެ މަތިން އަދި އޭނާގެ ދައުވަތަކަށް މަހްލޫފް ކުރައްވާ ބައްދަލުވުމެކެވެ..
I will be paying a courtesy call to @theafcdotcom President Sheikh Salman on Saturday. Will discuss on how AFC could increase their support for the development of football in the Maldives.
— Ahmed Mahloof (@AhmedMahloof) December 20, 2018
Also I will officially invite H.E to visit Maldives on behalf of HEP @ibusolih
މަހްލޫފް ވިދާޅުވީ، މި ބައްދަލުވުމުގައި ރާއްޖޭގެ ފުޓުބޯޅަ ކުރިއެރުވުމަށް އޭއެފްސީން ކުރަމުންދާ މަސައްކަތްތައް އިތުރުކުރުމާ ބެހޭގޮތުން މަޝްވަރާ ކުރެވޭނެ ކަމަށާއި، އަދި ރައީސުލް ޖުމްހޫރިއްޔާ އިބްރާހިމް މުހައްމަދު ސޯލިހުގެ ފަރާއްޕުޅުން ޝައިހް ސަލްމާން ރާއްޖެއަށް ވަޑައިގަތުމަށް ރަސްމީ ދައުވަތެއް ހުށަހަޅުއްވާނެ ކަމަށެވެ.
މަހުލޫފް އާއި ޝައިހް ސަލްމާންގެ ބައްދަލުވުމާ ގުޅިގެން އެފްއޭއެމްގެ ރައީސް ބައްސާމް ކުރެއްވި ޓުވީޓެއްގައި ވިދާޅުވީ، ފީފާ ކައުންސިލްގެ ގޮނޑިޔަށް ނަން ފޮނުވާފައިވާ މަރިޔަމް މުހައްމަދު (މާޔަން) އަށް ތާއީދު ހޯދައިދިނުމަށް މަސައްކަތް ކުރެއްވުމަށް ވަނީ އެދިވަޑައިގެންފައެވެ. އަދި ކާމިޔާބު ދަތުރަކަށް އެދޭ ކަމަށްވެސް އޭނާ ވަނީ ވިދާޅުވެފައެވެ.
I humbly request Minister @AhmedMahloof to lobby for our candidate @Mayan_17 for the FIFA Council seat in the upcoming AFC elections when meeting with Sheikh Salman in London on 22nd December.
— Bassam Adeel Jaleel (@bassam_jaleeI) December 19, 2018
G’luck for the meeting & wishing you a safe trip #maldivestoFIFA pic.twitter.com/gL2qF4E3Ox
ޝައިހް ސަލްމާން އާއި މަހުލޫފް ބައްދަލުކުރައްވާ ގޮތަށް ހަމަޖެހުނީ މަހުލޫފް އާއި އެފްއޭއެމްއާ ދެމެދު މައްސަލަތަކެއް ޖެހިފައިވަނިކޮށެވެ. އަދި މައުލޫމާތު ލިބޭ ގޮތުގައި އެފްއޭއެމް އާއި އޭއެފްސީއާ ދެމެދުވެސް ވަނީ މައްސަލަތަކެއް ޖެހިފައެވެ.
