މިހާރު ކުރިއަށްދާ ތިންވަނަ އެމްބީއޭ ކަޕްގެ ފިރިހެން ދެވަނަ ޑިވިޝަނުގައި ބުރާސްފަތި ދުވަހު ކުޅުނު މެޗު ސްޓިންގާސް ބާސްކެޓްބޯލް ކްލަބުން ކާމިޔާބުކޮށްފި އެވެ.
ޒުވާނުންގެ މަރުކަޒު އެތެރޭ ކޯޓުގައި ކުރިއަށްދާ މި މުބާރާތުގައި ސްޓީންގާސް ކުޅުނު މި މެޗު އެޓީމުން ކާމިޔާބުކުރީ ރައިވެރިޔާ ސްޕޯޓްސް ކްލަބާ ވާދަކޮށް 89 ޕޮއިންޓް 25 ޕޮއިންޓުގެ ތަފާތު ބޮޑު ނަތީޖާއަކުންނެވެ.
މި މެޗުގެ މޮޅު ކުޅުންތެރިޔާގެ މަގާމަށް ހޮވުނީ ސްޓިންގާސް އަށް 28 ޕޮއިންޓް ހޯދައިދިން މުހައްމަދު ސަބީހު ތައުފީގެވެ.
ސްޓިންގާސް ވަނީ މުބާރާތުގެ ދެވަނަ މެޗުގައި ރެޑް ވިންގް ބާސްކެޓްބޯލް ކްލަބު އަތުން 75 ޕޮއިންޓް 70 ޕޮއިންޓުން މޮޅުވެފަ އެވެ.
މި މުބާރާތުގެ ދެވަނަ ޑިވިޝަންގައި ވާދަކުރަނީ ޖުމްލަ 6 ޓީމަކުންނެވެ.
