ނޭހާ ދޫޕިއާ އާއި އަންގަދް ބޭދީ ފުރަތަމަ ފަހަރަށް ދަރިފުޅާއި އެކު ފެނިގެން ގޮސްފިއެވެ.
ނޭހާ އާއި އަންގަދު ބޭބީއާ އެކު ފުރަތަމަ ފަހަރަށް ފެނިގެން ގޮސްފައި ވަނީ ހޮސްޕިޓަލުން ގެއަށް ދިއުމަށްޓައި ނުކުމެ ތިއްބާ މުމްބާއީގައި ހުންނަ ވިމެންސް ހޮސްޕިޓަލުގެ ބޭރުންނެވެ.
ފޮޓޯތަކުގައި ނޭހާ ފެނިގެން ދަނީ ނޫކުލައިގެ ހެދުމެއްގައެވެ. ނޭހާގެ އަތުގައި ބޭބީ އޮތް އިރު ކައިރީގައި އަންގަދު އާއި އާއިލާގެ މީހުން ތިބެވެ.
ނޭހާ އަށް އަންހެން ދަރިފުޅަކު ލިބިފައި ވަނީ މިހިނގާ ނޮވެމްބަރު މަހުގެ 18 ވަނަ ދުވަހު އެވެ. ބޭބީ އަށް ދީފައިވާ ނަމަކީ މެހްރް ދޫޕިއާ ބޭދީއެވެ.
ނޭހާ ވަނީ މެހްރްގެ ފޮޓޯ އޭނާގެ އިންސްޓަގްރާމްގައި ހިއްސާކޮށްފައެވެ.
އެ ފޮޓޯގެ ކެޕްޝަންގައި ނޭހާ ލިއެފައި ވަނީ "މެހްރް ދޫޕިއާ ބޭދީ ސެއިސް ހެލޯ ޓުދަ ވޯލްޑް" އެވެ. ނޭހާ އިންސްޓަގްރާމުގައި ހިއްސާ ކޮށްފައިވާ ފޮޓޯގައި ފެނިގެން ދަނީ ބޭބީގެ ކުޑަކުޑަ ފައިތިލަ އެވެ. ބޭބީގެ ފަޔަށް އަރުވާފައިވާ ސޮކްސްގައި ލިޔެފައިވަނީ "ހެލޯ ވޯލްޑް" އެވެ
ނޭހާ އާއި އިންގަދު ކައިވެނި ކުރިކަން އިއުލާން ކޮށްފައި ވަނީ މިއަހަރުގެ މޭމަހު އެވެ. ކައިވެނި ކުރިކަން އިއުލާން ކުރިތާ ތިން މަހެއްހާ ދުވަސް ފަހުން ނޭހާ ބަލިވެ އިންކަން އިއުލާން ކޮށްފައި ވަނީ މިއަހަރުގެ އޮގަސްޓް މަހުއެވެ.
