މަޝްހޫރު ސުވިމިން ސޫޓް މޮޑެލް ކޭޓް އަޕްޓަން އާއި މަޝްހޫރު ބޭސްބޯލް ކުޅުންތެރިޔާ ޖަސްޓިން ވާރލެންޑަރ އަށް އަންހެން ކުއްޖަކު ލިބިއްޖެއެވެ. މި ދެ ފަންނާނުންނަށް އަންހެން ކުއްޖަކު ލިބިފައިވާކަން ހާމަކޮށްފައި ވަނީ ވަރލެންޑަރ އިންސްޓަރގްރާމްގައި ކޮށްފައިވާ ޕޯސްޓެއްގައެވެ. އިންސްޓަރގްރާމްގައި ވެލެންޑަރކޮށްފައިވާ ޕޯސްޓެއްގައި ބުނެފައިވަނީ އެ މީހުންގެ އަންހެން ދަރިއަކު ލިބިފައިވަނީ މި މަހުގެ 7 ވަނަ ދުވަހު ކަމަށާއި، ދަރިފުޅަށް ދީފައިވާ ނަމަކީ "ޖެނެވީވް އަޕްޓަން ވާރލެންޑަރ"އެވެ.
އިންސްޓަރގްރާމްގައި ވާރލެންޑަރކޮށްފައިވާ ޕޯސްޓެއްގައި ބުނެފައިވަނީ އޭނާއަށް ލިބުނު އަންހެން ދަރިފުޅަށް މި ދުނިޔެއަށް މަރްހަބާ ކިޔާ ކަމަށާއި، އަދި ދަރިފުޅާއި ބައްދަލުވި ފުރަތަމަ ސިކުންތުންވެސް އޭނާ ތިމަންނަގެ ހިތް އަތުލާފައިވާ ކަމަށެވެ.
ވާރލެންޑަރ އާއި އަޕްޓަން ކާވެނިކޮށްފައިވަނީ މީގެ އެއް އަހަރު ކުރިން އިޓަލީގެ ވިލާއެއްގައެވެ. އެ ދެ މީހުން ކާވެނިކޮށްފައިވަނީ ވާރލެންޑަރގެ އެސްޓްރޮސްއަށް 2017 ވަނަ އަހަރުގެ ބޭސްބޯލް ސީރީސް ކާމިޔާބު ކުރިތާ ކުޑަދުވަސްކޮޅެއް ފަހުންނެވެ.
މި ދެ ތަރިންގެ ކާވެނިކޮށްފައިވަނީ 2016 ގައި އެންގޭޖްވުމަށްފަހު ތިން އަހަރު އެކުގައި އުޅުމަށްފަހު ގައެވެ.
މަޝްހޫރު ބޭސްބޯލް ކުޅުންތެރިޔާ އޭނާ އާއި އަޕްޓަން އާއި ދެ މީހުން ރައްޓެހިވެގެން އުޅޭކަން މީޑިޔާގައި ހާމަކޮށްފައިވަނީ އޮސްޓްމަހުގެ ތެރޭގައި "ބްލީޗަރ ރިޕޯރޓް"އަށް ދިން އިންޓަރވިއުއެއްގައެވެ. ބްލީޗަރ ރިޕޯރޓްއަށް ދިން އިންޓަރވިއުއެއްގައި ބުނެފައިވަނީ އޭނާއަށް ދިމާވި ދަތި އުނދަގޫ ދުވަސްތަކުގައި އަޕްޓަންގެ އެހީތެރިކަން ވަރަށް ބޮޑަށް އޭނާއަށް ލިބިފައިވާ ކަމަށެވެ.
ވާރލެންޑަރ "ބްލީޗް ރިޕޯރޓް" އަށް ދިން އިންޓަރވިއުގައި ބުނެގައިވަނީ އޭނާ އަށް ކުޅިވަރުގެ ތެރެއިން ދިމާވި އިންޖަރީން އޭނާ އަށް ދިމާވި ނަފްސާނީ ބަލީގެ އުނދަގޫ ކަމަށްވާ ޑިޕްރެޝަން އިން ސަލާމަތްވެވުނީ އަޕްޓަންގެ އެހީތެރިކަމުން ކަމަށެވެ. އެގޮތުން އޭނާ ޑިޕްރެޝަނުން ސަލާމަތްވުމުގައި "ތެރަޕިސްޓެއްގެ" ގޮތުގައި އޭނާއަށް އެހީތެރިކަން ފޯރުކޮށްދީފައިވަނީ އަޕްޓަން ކަމަށެވެ.
