ޗައިނާ އިންޓަރނޭޝަލް އިމްޕޯޓް އެކްސްޕޯގައި ރާއްޖެ އިން ބައިވެރިވެއްޖެއެވެ.
މިއެކްސްޕޯ ބޭއްވުމުގެ މައިގަނޑު މަޤްޞަދަކީ ދުނިޔޭގެ އެހެން ގައުމުތަކާ ގުޅިގެން ރާއްޖޭގެ އިޤްޞާދު ވަރުގަދަކުރުމަށް ބާރުއެޅުމާއި އަދި ދުނިޔޭގެ ބާޒާރުގައި ރާއްޖެއިން އިމްޕޯޓް ކުރެވޭ އުފެއްދުންތައް މަރކެޓް ކުރެވޭނެ ފަރާތްތަައް ހޯދުމެވެ.
ޗައިނާގެ ޝަންހާއީ ނޭޝަނަލް ކޮންވެންޝަން އެންޑް އެގްޒިބިޝަން ސެންޓަރގައި ބޭއްވި މި އެކްސްޕޯގައި ރާއްޖެ އިން ނުވަ ކުންފުންޏަކުން ވަނީ ބައިވެރިވެފައެވެ.
އެގޮތުން އެންސިސް ފިޝަރީޒް، ހޮރައިޒަން ފިޝަރީޒް، އޯޝަން ހަންޓާސް އެންޑް މޯލްޑިވްސް ސީފުޑް ޕްރޮސެސަރ އަދި އެކްސްޕޯޓާރސް އެސޯސިއޭޝަން އިންނެވެ. އަދި އެ އެގްޒިބިޝަނުގައި އެ ކުންފުނިތަކުގެ އުފެއްދުންތައް ދަނީ މަރކެޓްކުރަމުންނެވެ.
ކުންފުނިތަކުން ދައްކާ އުފެއްދުންތަކުގެ ތެރޭގައި އައިސް ކުރި މަހާއި، ދަޅުގައި ބަންދުކޮށްފައި ހުރި މަހުގެ ބާވަތްތަކާއި، ސީފުޑުގެ އިތުރުން ތަފާތު ވައްތަރުގެ މަހުގެ ބާވަތް ހިމެނެއެވެ.
މިއީ 6 ދުވަހުގެ މުއްދަތަށް ކުރިއަށްދާ އެކްސްޕޯއެކެވެ. އެގޮތުން މިމަހުގެ 10 ވަނަ ދުވަހުގެ ނިޔަލަށް ކުރިއަށްދާ މި އެކްސްޕޯގައި ދުނިޔޭގެ ސަތޭކަ ގައުމަކުން 800 އަށްވުރެ ގިނަ ކުންފިނިތަކުން ބައިވެރިވާނެއެވެ.
