މަސް ހިފަން ކ.އެނބޫދޫ ފިނޮޅު ކައިރިޔަށް އެރުނު ތިން މީހެއްގެ ހަބަރެއް ނުވެގެން، ހޯދުމުގެ މަސައްކަތް އެމްއެންޑީއެފް އިން ފަށައިފި އެވެ.
އެމްއެންޑީއެފްގެ އިންފޮމޭޝަން އޮފިސާ އަދުނާން އަހުމަދު ވިދާޅުވީ، އެނބޫދޫ ފިނޮޅު ކައިރިޔަށް މަސް ހިފަން ފޭބި ތިން މީހަކު ގެއްލިގެން ހޮނިހިރު ދުވަހުގެ ރޭ 10:00 ގައި ރިޕޯޓްކޮށްފައިވާ ކަމަށެވެ.
އޭނާ ވިދާޅުވީ އެ ތިން މީހުން ހޯދުމުގެ މަސައްކަތް އެމްއެންޑީއެފް ކޯސްޓް ގާޑުން ކުރަމުން އަންނަ ކަމަށެވެ.
