ސުޕްރީމް ކޯޓަށް ވަނީ މި ދުވަސްވަރު އެންމެންގެ ސަމާލުކަން ހުއްޓިފައެވެ. ސެޕްޓެމްބަރު 23 ވަނަ ދުވަހު ބޭއްވި އިންތިހާބު ބާތިލްކުރުމަށް ރައީސް އަބްދުﷲ ޔާމީން ހުށަހެޅުއްވި މައްސަލައިގެ ޝަރީއަތުގައި ދެފަރާތުން ދައްކަމުންދާ ވާހަކަތަކަކީ ދިވެހިން ކަނުލާ އަޑު އަހަމުންދާ ވާހަކަތަކެވެ. ވަކިން ހާއްސަކޮށް ތަދައްހުލުވެފައިވާ ވަކީލުން މިފާއިތުވެދިޔަ ދެ ދުވަހުގެ އަޑުއެހުމަށްފަހު ނޫސްވެރިންނާ ހިއްސާ ކުރި ވާހަކަތަކަކީ ފާހަގަކޮށްލެވޭ ވާހަކަތަކެވެ. ސޯޝަލް މީޑިއާގައި ވެސް އެ ވާހަކަތައް އިންތިހާއަށް ވަނީ ވައިރަލްވެފައެވެ. މިކަންތައްތަކުގެ ތެރެއިން މަޝްހޫރު ގާނޫނީ ވަކީލު ހިސާން ހުސައިންނަށް ލިބުނު ސަމާލު ކަމަކީ ވެސް ފާހަގަކޮށްލަންޖެހޭ ކަމެވެ. މުޅި ސޯޝަލް މީޑިއާގައި އޭނާއަށް ތައުރީފުގެ ބަސްތަށް އަންނަނީ ބަންޑުން ކުރަމުންނެވެ. އޭނާގެ ކުޅަދާނަ ކަމަށާއި ގަޓު ހުރި ކަމާއި ކެރުންތެރިކަން ހުރި މިންވަރުގެ ވާހަކައެވެ.
ސޯޝަލް މީޑީއާގައި އެއް ފަރާތަކުން ވަނީ ހިސާން ހުސައިންއަކީ ރާއްޖޭގެ އާމާލް ކްލޫނީގެ ގޮތުގައި ވެސް ސިފަ ކުރައްވާފައެވެ. އަދި އިނގިރޭސި ސްޕައި އެޖެންޓް ޖޭމްސް ބޮންޑްއާ ގުޅުވައިގެން "ބޮންޑް ގާލް"ގެ ގޮތުގައި ވެސް ބައެއް ފަރާތްތަކުން ސިފަކޮށްފައި ވެއެވެ.
Thank you for everything your doing for this country @hisaanhussain
— kaaloss (@kaalosss) October 15, 2018
Nation is Proud of you. pic.twitter.com/g3eLRL4Q3u
ހޮލީވޫޑްގެ މަޝްހޫރު ފިލްމީ ތަރި ޖޯޖް ކްލޫނީގެ އަނބިކަނބަލުން އާމާލް ކްލޫނީއަކީ ދުނިޔޭގެ ފާހަގަކުރެވުނު މަޝްރޫހު މައްސަލަތަކުގައި ހައި ޕްރޮފައިލް މީހުންގެ ވަކީލެއްގެ ގޮތުގައި މަސައްކަތް ކުރައްވާފައިވާ ބޭފުޅެކެވެ. ރާއްޖޭގައި އާމާލް ކްލޫނީ މަޝްހޫރުވެފައި ވަނީ ކުރީގެ ރައީސް މުހައްމަދު ނަޝީދުގެ ގާނޫނީ ވަކީލެއްގެ ގޮތުގައި މަސައްކަތް ކުރެއްވި ހިސާބުންނެވެ. އާމާލް ކްލޫނީއަކީ ފެޝަން ދުނިޔޭގައި ވެސް ފާހަގަކޮށްލެވޭ ފަރާތެކެވެ. އޭނާގެ ފެޝަން ސްޓައިލްގެ ސަބަބުން އޭނާއަށް މީޑިއާގައި ލިބޭ ސަމާލުކަން އިތުރުވެގެންދެއެވެ. މިހުރިހާ ކަމަކަށް ވުރެ ވެސް އިންސާނީ ހައްގުތަކާ ގުޅުން ހުރި މައްސަލަތަކުގައި އެކަމަނާ ހޯއްދަވާފައިވާ ކާމިޔާބީތައް ފާހަގަކޮށްލެވެއެވެ.
އަމާލްއެކޭ އެއްގޮތަށް ފަހުގެ އަހަރުތަކުގައި ރާއްޖޭގައި ހިންގި ބޮޑެތި ޝަރީއަތްކުގެ އެންމެ ކުރީ ސަފުގައި ހުންނެވި އެއް ވަކީލަކީ ހިސާންއެވެ. ޝަރީއަތްތަކަށް ވަޑައިގަންނަވާ އިރު ވަރަށް ތައްޔާރުވެވަޑައިގަންނަވައެވެ. އަމާލްއާ އެކު ރައީސް ނަޝީދުގެ ވަކީލެއްގެ ގޮތުގައި މަސައްކަތްކުރެއްވުމުން ތަޖުރިބާތަކެއް ވެސް ހިސާން އަށް ވަނީ ލިބިވަޑައިގެންފައެވެ. ހެދުން ތުރުކުރެއްވުމުގައި ވެސް އަމިއްލަ ވަންތަ ގޮތްތަކެއް ފާހަގަކުރެވެއެވެ. އަބަދުވެސް އޭނާ ފެނިގެންދަނީ ވަރަށް ރީތިކޮށް އަދި ސާފުކޮށް ހެދުން ތުރުކުރައްވާ ފަރާތެއްގެ ގޮތުގައެވެ.
If there is a wonder woman in Maldives, @hisaanhussain is the one.
— ᵢbbₑ (@the_ibbe) October 15, 2018
އެހެން މީހަކު ސޯޝަލް މީޑިއާގައި ބުނެފައި ވަނީ ހިސާން މީހުންގެ މައްސަލައާ ހަވާލު ވަނީ ރާއްޖޭގެ ކޯޓުތަށް އޮތް ގޮތް އެނގިވަޑައިގެން ކަމަށެވެ. ހަވާލުވާ ކޮންމެ މައްސަލައަކީ އެއް ކޮޅަށް ނިމޭނެ މައްސަލައެއް ނޫންކަން ވެސް އެނގިވަޑައިގެންނެވެ. އެހެން މީހަކު ބުނީ ހިސާންއަކީ ރާއްޖޭގެ ވޮންޑަރ ވުމަން ކަމަށެވެ. ސޯޝަލް މީޑިއާގައި އެހެން މީހަކު ފާހަގަކުރި ގޮތުގައި ހިސާންގެ މަސައްކަތަކީ ފާހަގަކުރެވޭ މަސައްކަތެއް ކަމަށާއި އޭނާއާ މެދު ފަހުރުވެރިވާ ކަމަށެވެ.
Hisaan ae gadha anheneh! She did great past 7 years! & I hope when in power she will do the same! That's what the real Test is! Allah swa will test us in Wealth & Power! Laari netheema gos miskithahves araane!! Baareh netheema govaane haggey justice eyves!!
— LOUD-MOUTH (@hin_dhu) October 15, 2018
އެހެން މީހަކު ބުނީ ހިސާންއަކީ ގަދަ މީހެއް ކަމަށާއި މި ފާއިތުވެދިޔަ ހަތް ވަރަކަށް އަހަރުގައި ހިސާނުގެ މަސައްކަތް ރައްޔިތުންނަށް ފެނިގެން ހިނގައްޖެ ކަމަށެވެ.
she is someone who can definitely fight injustice.. proud to see her fighting for the people..
— Ahmed Latheef (@ahmedsChimera) October 15, 2018
ހިސާންއަކީ އިންސާފު ހޯދައިދިނުމަށް ބުރަ މަސައްކަތްތަކެއް ކުރައްވާ ވަކީލެއް ކަމަށާއި ހިސާނުގެ މަސައްކަތަކީ ދިވެހި ރައްޔިތުން ފަހުރުވެރިވާ މަސައްކަތްތަކެއް ކަމަށް އެހެން މީހަކު ބުންޏެވެ.
މިއީ ސޯޝަލް މީޑީއާގައި މީހުން ފާޅުކޮށްފައިވާ ހިޔާލުތަކެވެ. ޝަރީއަތުގެ އަޑުއެހުންތަކަށް ފަހު ދެއްވާ އިންޓަވިއުތަކުގައި ހިސާން ބޭނުންކުރައްވާ ބަސް މަގު ވެސް ގިނަ ބަޔަކު ފާހަގަކުރައްވައެވެ. މިހާރު ކުރިއަށްދާ ޝަރީއަތުގައި ހޯމަ ދުވަހު އޮތް އަޑުއެހުމަށް ފަހު ހިސާން ވިދާޅުވި ގޮތުގައި މި މައްސަލަ ހުށަހަޅާފައިވަނީ ބަލި ގަބޫލު ނުކުރުމަށް ޕީޕީއެމް އިން އަމިއްލައަށް އުފައްދާފައިވާ ކޮންސްޕިރެސީ ތިއަރީއެއްގެ މައްޗަށް ކަމަށެވެ. ހުށަހަޅާފައިވާ މައްސަލައިގައި ހަމައެކަނި މަދުވަނީ "އުދުހޭ މުސައްލައެއް"ގެ ވާހަކަ އެކަނި ކަމަށް ވިދާޅުވިއެވެ. މި މައްސަލައަކީ އެއްވެސް އަސާސެއްގެ މައްޗަށް ހުށަހަޅާފައިވާ މައްސަލައެއް ނޫން ކަމަށާއި މައްސަލަ ހުށަހަޅާފައި ވަނީ ބާތިލް ކަންތައްތަކެއް މައްޗަށް ކަމަށް އޭނާ ވިދާޅުވިއެވެ.
މިވާހަކަތައްވެސް ރާއްޖޭގެ ހުރިހާ މީޑީއާއެއްގެ ފަލަސުރުހީ ތަކުން ފެނިގެންދިޔައެވެ. ހިސާން ވަނީ މިމައްސަލައިގެ އިތުރުން ކުރީގެ އުއްތަމަ ފަނޑިޔާރު އަބްދުﷲ ސައީދު ގާނޫނީ ވަކީލު ކަމަށާއި ޖުމްހޫރީޕާޓީގެ ލީޑަރު ގާސިމް އިބްރާހިމްގެ ގާނޫނީ ވަކީލު ކަމަށާއި ކުރީގެ ރައީސް މުހައްމަދު ނަޝީދުގެ ގާނޫނީ ވަކީލުންގެ ޓީމުގައި ވެސް މަސައްކަތްކުރައްވާފައި ވެއެވެ.
ހިސާނަށް ގިނަ ބައެއްގެ ތައުރީފު ލިބެމުންދާ އިރު ދިވެހި މުޖުތަމައު އަށް ބަލާއިރު އިސް މަގާމުތަކުގައި އަންހެނުންނަށް ފައިތިލަ ހަމަކޮށްލެވޭ ވަރު ނިސްބަތުން މަދެވެ. ޕޮލިސީތައް އެކުލަވާލާ ލެވެލްގައި އަންހެނުންގެ ދައުރު މަދު ނަމަވެސް އެފަދަ ލެވެލްތަކުގައި މަސައްކަތްކުރާ، ނުވަތަ މަތީ ފަންތީގެ ވަޒީފާތަކުގައި މަސައްކަތްކުރާ ދިވެހި އަންހެނުންނަކީ ފާހަގަކޮށްލެވޭ އަންހެނުންނެވެ. އެ މީހުންގެ މަސައްކަތްތުގައި ކެރުމާއި ކުޅަދާނަކަން އަންނަނީ ދައްކަމުންނެވެ. ހިސާން ވެސް ވެގެން މިދިޔައީ އެފަދަ މިސާލަކަށެވެ.
