މޯލްޑިވްސް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) އިން ގެއްލުނު ފައިސާތަކާ ގުޅޭ ގޮތުން ކުރީގެ ނާއިބު ރައީސް އަހުމަދު އަދީބުގެ އަނބިކަނބަލުން މަރިޔަމް ނަޝްވާ، ރައީސް ޔާމީނަށް ވަރުގަދަ ރައްދެއް ދެއްވައިފިއެވެ.
ނަޝްވާ ކުރެއްވި ޓްވީޓެއްގައި ވިދާޅުވީ ރައީސް ޔާމީންގެ އަމިއްލަ ކަމަކާ ހެދި ފްރޭމްކޮށް ކޯޓަށް ނުފޫޒު ފޯރުވައިގެން އަދީބު ޖަލުގައި ނުބޭއްވޭނެ ކަމަށެވެ. އަދި އެމްއެމްޕީއާރުސީގެ ލާރިތައް "ދިރުވާލައިގެން ހުރެ" އެމްޑީޕީ އަދި ރައީސް ނަޝީދުގެ ބޮލުގައި އަޅުވައިގެން "ރެކިއެއް ނުގަނެވޭނެ" ކަމަށް ވެސް ނަޝްވާ ވަނީ ވިދާޅުވެފައެވެ.
މީގެ އިތުރުން ހިއުމަން ރައިޓްސް ކޮމިޝަނާއި މޯލްޑިވްސް ކަރެކްޝަނަލް ސަރވިސް ހިސޯރުކޮށްގެން ހުރެ އިންސާނީ ހައްޤުތައް ނިގުޅައެއް ނުގަނެވޭނެ ކަމަށް ވެސް ނަޝްވާ ވަނީ ވިދާޅުވެފައެވެ.
YAG ge amilla kamakaa hedhi frame koh, court ah nufoozu foaruvaigen Adeeb jail ga nubeyveyne! MMPRC laari thah dhiruvailaigen hure MDP adhi RN ge boluga alhuvaigen reki eh nuganevyne! HRCM aa MCS hisoarukogen hure insaanee haqquthah nigulha’eh nuganeveynehttps://t.co/2yiq4cTR3K
— Nash (@maryam_nashwa) August 26, 2018
ނަޝްވާ މިހެން ވިދާޅުވެފައި މިވަނީ އެމްއެމްޕީއާރުސީން ގެއްލިފައިވާ ފައިސާތަކާ ގުޅޭ ގޮތުން އަދީބާއި އެމްޑީޕީއާ ގުޅޭ ގޮތުން ރައީސް ޔާމީން ގިނަ ވާހަކަތަކެއް ދައްކަވާފައި ވަނިކޮށެވެ. އަދި އެފައިސާތައް ހޯދުމަށް ކުރަން ޖެހޭ ކަންކަން ތައްޔާރު ކުރުމަށް އެމްޑީޕީގެ ޗެއަރޕާސަން ހަސަން ލަތީފްއަށް އެޕާޓީގެ ޤައުމީ މަޖިލީހުން ހަވާލުކޮށްފައި ވަނިކޮށެވެ.
އަދީބުގެ އަނބިކަނބަލުން ރައީސް ޔާމިނަށް ރައްދު ދެއްވާފައިވާ އިރު މީގެ ކުރިން ޝަރީއަތުގެ އަޑުއެހުމެއްގައި އަދީބު ވިދާޅުވެފައި ވަނީ އެމްއެމްޕީއާރުސީ އަށް ލިބުނު ޑޮލަރު ޗެކްތައް ދިވެހި ފައިސާއަށް މާރުކުރުމުގެ މަސައްކަތް ކުރައްވަމުން ގެންދެވީ ރައީސް ޔާމީން ކަމަށާއި އެ މަނިކުފާނު އެ ފައިސާ ގުނުއްވަމުން ގެންދެވީ ގ. ދޫވެހީގެ ކުޑަ ކޮޓަރިއެއްގެ ތެރޭގައި ބިދޭސީއަކާއެކުގައި ކަމަށެވެ. މި ވާހަކަ ރައީސް އާއި އަދި ރައީސް އޮފީހުން ވެސް ދޮގުކޮށްފައެއް ނުވެއެވެ.
