ށ. ފޭދޫ އެމްޑީޕީ ޖަގަހައަށް ކަޅު ތެޔޮ ޖަހައިފިއެވެ.
އެމްޑީޕީން ބުނީ ފޭދޫ ޖަގަހަޔަށް ކަޅުތެޔޮ ޖަހާފައިވަނީ ހޯމަދުވަހުގެ ރޭގެ ވަގުތެއްގައި ކަމުގައެވެ.
ސޯޝަލް މީޑިއާގައި ދައުރުވަމުންދާ އެ ފޮޓޯއިން ފެންނަނީ ފޭދޫ އެމްޑީޕީ ޖަގަހައިގެ ބޭރު ފާރަށް ކަޅުތެޔޮ ޖަހާފައިވާ ތަނެވެ.
ރިޔާސީ އިންތިހާބުގެ ފޯރި ގަދަވެފައިވާއިރު މީގެ ކުރިންވަނީ މާލޭގައި ހުންނަ އެމްޑީޕީގެ އޮފީހަށް އެތައް ފަހަރެއްގެ މަތިން ކަޅުތެޔޮ ޖަހާފައެވެ.
އެމްޑީޕީ އާއި ކޯލިޝަން ޕާޓީގެ ރިޔާސީ ކެންޑިޑޭޓް އިބްރާހިމް މުހައްމަދު ސޯލިހު(އިބޫ)، ހުޅުމާލޭގައި ޑޯޓުޑޯ ހަރަކާތް ކުރިއަށް ގެންދަވަނިކޮށް އެޕާޓީގެ އިސްވެރިންނާއި ސަޕޯޓަރުންގެ ގަޔަށްވެސް މީގެ ކުރިން ވަނީ ކަޅުތެޔޮ ޖަހާފައެވެ.
