ދިވެހި ރާއްޖެ އަކީ ސައްތައިން ސައްތަ މުސްލިމުން އުޅޭ ގައުމަކަށްވާއިރު ދިވެހި ޒުވާނުންގެ ތެރެއިން ޝަރީކު ކުރާ ޒުވާނުން މަދު ނޫން ކަމަށް ބުނެ ރައީސް އަބްދުﷲ ޔާމީން ގިނަ ދިވެހި ޒުވާނުންގެ ބޮލުގުއި ކުފުރުގެ އިލްޒާމް އެޅުވުމަކީ ވަރަށް ކަންބޮޑުވާކަމެއް ކަމަށް އަދާލަތު ޕާޓީ އިން ބުނެފިއެވެ.
ޓްވިޓާ މެދުވެރިކޮށް އަދާލަތު ޕާޓީ އިން އަންގާރަ ދުވަހު ބުނީ ރައީސް އަބްދުﷲ ޔާމިން، އިސްލާމް ދީނާ ގުޅުވައިގެން މިފަދަ ވާހަކަ ދެއްކުން ހުއްޓާލުމަށް ގޮވާލާ ކަމަށެވެ. އަދާލަތު ޕާޓީ އިން ބުނީ ރައީސް އަބްދުﷲ ޔާމިން މުސްލިމުން ދައްކަން ކަމުނުދާ ކަހަލަ ދީނާ ޚިލާފަށް އެތައް ވާހަކަތަކެއް ދައްކާ ޒުވާނުންނަށް ނުރަނގަޅު ނަމޫނާއަކަށްވެ ހުރެ، ޒުވާނުން ބަދުނާމުކުރުމުގެ ބަދަލުގައި މުސްލިމު ވެރިންވާންވާނީ ޒުވާނުންނަށް ހެޔޮ ނަމޫނާދައްކާ ކެތްތެރިކަމާއި ހިކުމަތްތެރިކަމާއެކު މަގުދައްކާ ބަޔަކަށް ކަމަށެވެ.
Dhivehi raajje akee 100% muslimun ulhey qaumakahvaairu Dhivehi Zuvaanunge therein shareeku kuraa zuvaanun madhunoon kamah bune RY gina dhivehi zuvaanunge bolugai kufuruge ilzam elhuvumakee varah kanboduvaakameh. Dheena gulhuvaagen mifadha vaahaka dhekkun huttaalumah govaalan.
— Adhaalath Party (@AdhaalathOffice) July 31, 2018
Muslimun dhakkan kamunudhaa kahala Dheenaa khilaafa ethah vaahakathakeh dhakkaa zuvaanunnah nurangalhu namoonaayakahvehure, zuvaanun badhunaamukurumuge badhalugai Muslim verin vaanvaanee zuvaanunnah heyo namoonaadhakkaa, keyithrikamaa hikamayitherikamaaeku magudhakkaabayakah.
— Adhaalath Party (@AdhaalathOffice) July 31, 2018
ސެޕްޓެމްބަރު 23 ގައި އޮންނަ މި އަހަރުގެ ރިޔާސީ އިންތިޚާބުގައި ވާދަކުރެއްވުމަށް، ޕީޕީއެމްގެ ރިޔާސީ ޓިކެޓް ރައީސް ޔާމިނަށް ރަސްމީކޮށް އެރުވުމަށް ޖުލައި 29 ވަނަ ދުވަހުގެ ރޭ ދަރުބާރުގޭގައި ވާހަކަފުޅުދައްކަވަމުން ރައީސް ޔާމިން ދިވެހި ޒުވާނުން ޝަރީކު ކުރުމާ ގުޅޭގޮތުން ވިދާޅުވި ބަސްފުޅު ބައްލަވާލައްވާ:
Alhugadumenge zuvaanunge theregai shareek kuraa meehun madheh noon. adhi dheenunga enme boadh haraam kurevifa huri kanthahthah, e hagguthakah araiganna meehun madheh noon: Raees Yameen pic.twitter.com/jpNgUr9o23
— RaajjeTV Live (@RaajjeTVLive) July 29, 2018
ރައީސް އަބްދުﷲ ޔާމިންގެ ސަަރުކާރަށާއި އަދި ޚުދު އެމަނިކުފާނަށް ވަނީ ކޮރަޕްޝަނުގެ ބޮޑެތި ތުހުމަތާއި މަގާމުގެ ނާޖައިޒު ފައިދާ ނަގަމުންދާ ކަމަށާއި، ވެރިކަމަށް ވަޑައިގަންނަވަން ވެވަޑައިގަތް ވައުދުތައް ނުފުއްދަވާކަމަށް ބުނެ ބޮޑެތި ފާޑުކިޔުންތައް އަމާޒުވެފައެވެ. އަދި އިސްލާމް ދީން އައްޑަނައަކަށް ބޭނުންކޮށް ބޮޑެތި ޖަރީމާތައް ހިންގަވަން އިސްލާމް ދީން ނިވާފަތްގަނޑަކަށް ހައްދަވާކަމުގެ ތުހުމަތު ވެސް ވަނީ ކުރެވިފައެވެ. ރިޔާސީ އިންތިޚާބު 23 ސެޕްޓެމްބަރު ގައި އޮންނައިރު ގުޅިފައިވާ އިދިކޮޅު ސިޔާސީ ޕާޓީތަކުން ބުނަމުން ގެންދަނީ ރައީސް ޔާމިން ބޮޑުތަނުން ބަލިކުރާނެ ކަމަށާއި އެމަނިކުފާނަށް ދެވަނަ ދައުރު ހައްގު ނޫން ކަމަށެވެ.
