އޭސްހާރޑްވެއަރ ފިހާރައިގެ ބޭރުގައި ހުރި ސައިކަލެއްގެ ތެރޭގައި ބޭއްވިފައި އޮތް ފޯނެއް ވަގަށް ނެގި މައްސަލައަކާއި ގުޅިގެން މޯލްޑިވްސް ޕޮލިސް ސަރވިސްގެ ޖެނެރެލް އިންވެސްޓިގޭޝަން ޑިޕާރޓްމަންޓުން ކުރިއަށް ގެންދާ ތަހްގީގަށް ހޯދަން ބޭނުންވާ މީހަކު ހޯދަން އިއުލާން ކޮށްފި އެވެ.

ފުލުހުން ބުނީ އެ ވައްކަން ކޮށްފައި ވަނީ މިދިއަ ޑިސެމްބަރު މަހުގެ 28 ވަނަ ދުވަހުގެ ރޭ ކަމަށެވެ.

ފުލުހުން ބުނީ އެމީހާއާ ބެހޭ އެއްވެސް މަޢުލޫމާތެއް އެނގިވަޑައިގަންނަވާ ފަރާތްތަކުން މޯލްޑިވްސް ޕޮލިސް ސަރވިސްގެ ހޮޓްލައިން 3322111 އަށް ނޫނީ ޖެނެރެލް އިންވެސްޓިގޭޝަން ޑިޕާރޓްމަންޓްގެ ނަންބަރު 9631696 އަށް ގުޅުއްވާ މައުލޫމާތު ހިއްސާކޮށްދެއްވުމަށް އިލްތިމާސްކުރާ ކަމަށެވެ.