ވޭތުވެދިޔަ ފަސް އަހަރުގެ ތެރޭގައި ރާއްޖޭގެ މުދާތައް ވަނީ ލަދެއް ނެތި ލޫޓުވާފައި ކަމަށާއި އެކަންތައްތަކަށް އިންސާފު ހޯދޭނީ އެމްޑީޕީގެ ރިޔާސީ ކެންޑިޑޭޓް އިބްރާހިމް މުހައްމަދު ސޯލިހުއަށް (އިބޫ) ކަމަށް މިސަރުކާރުގެ އިންތިޚާބީ ނާއިބު ރައީސް މުހައްމަދު ޖަމީލު އަހުމަދު ވިދާޅުވެއްޖެއެވެ.
މިހާރު ޖުމްހޫރީ ޕާޓީގެ ލީޑަރ ގާސިމް އިބްރާހިމްގެ އެޑްވައިޒަރެއްގެ ގޮތުގައި ހުންނެވި ޖަމީލު ބުދަ ދުވަހު ކޮށްފައިވާ ޓްވީޓެއްގައި ވިދާޅުވީ މިސަރުކާރުން ވަގަށް ނަގާފައިވާ އެތައް މިލިއަން ރުފިޔާއެއް އަނބުރާ ހޯދައިދިނުމަށް އިބޫއަށް ވޯޓުދޭން ޖެހޭ ކަމަށެވެ. އަދި އިބޫއަކީ އިތުބާރު ކުރެވޭ ލީޑަރެއް ކަމަށް ޖަމީލު ވިދާޅުވިއެވެ.
އެހެންކަމުން ރާއްޖެ އަނބުރާ ހޯދުމަށް އިބޫއަށް ވޯޓު ދިނުމަށް ޖަމީލު ގޮވާލެއްވިއެވެ.
For past 5 years, our wealth has been looted without an ounce of shame. @ibusolih is an honest, trustworthy leader determined to recover millions stolen & wasted via shady projects under YAG. Every vote counts; let’s go out & elect him to truly lead our nation back to glory! pic.twitter.com/dnexwGB2OL
— Mohamed Jameel Ahmed (@MJameelAhmed) July 25, 2018
ގުޅިފައިވާ ސިޔާސީ ޕާޓީތަކުގެ ރިޔާސީ ކެންޑިޑޭޓެއްގެ ގޮތުގައި އިބޫއާ އެކު ރިޔާސީ އިންތިހާބުގައި ނުކުންނަ ރަނިންމޭޓަކީ ޖުމްހޫރީ ޕާޓީގެ މެމްބަރު ފައިސަލް ނަސީމެވެ. ރިޔާސީ އިންތިޚާބުގެ ވޯޓުލުން އޮންނާނީ އަންނަ ސެޕްޓެމްބަރު މަހުގެ 23 ގައެވެ.
