އަދަބު ދިނުމުގެ ގޮތުން ގިނަ ދުވަސްތަކެއް ވަންދެން މީހުން ޖަލަށް ލުމަކީ އިސްލާމްދީން ތަރުހީބުދޭ ކަމެއް ނޫން ކަމަށް ރައްޔިތުންގެ މަޖިލީހުގެ މަކުނުދޫ ދާއިރާގެ މެމްބަރު އަނާރާ ނައީމް ވިދާޅުވެއްޖެއެވެ.
ރާއްޖޭގައި ގިނަ ދުވަސްތަކެއް ވަންދެން މީހުން ޖަލަށް ލަމުންދާ އިރު އަދި އެކަމަކީ އިސްލާމްދީން ތަރުހީބު ދޭ ކަމަކަށް ނުވާއިރު ސަރުކާރަށް ތާއީދު ކުރައްވާ ޝެއިޚުން އެކަމާ މެދު އެއްޗެއް ވިދާޅު ނުވަނީ ކީއްވެތޯ، ހޯމަ ދުވަހު އަނާރާ ކުރެއްވި ޓްވީޓެއްގައި ސުވާލުކުރައްވާފައި ވެއެވެ. އަދި ސަރުކާރަށް ސްޕޯޓްކުރާ ޝެއިޚުން ކޮބައިތޯ ވެސް އަނާރާ ސުވާލުކުރައްވާފައި ވެއެވެ.
ގިނަ ދުވަސްތަކެއް ވަންދެން މީހުން ޖަލަށްލުމަކީ އިސްލާމް ދީން ތަރުހީބުދޭ ކަމެއް ނޫން ކަން އަދަބު ކަނޑައެޅިފައިވާ އުސޫލުތަކަށް ބެލުމުން އެނގޭ ކަމަށް އަނާރާ ވިދާޅުވިއެވެ.
Adhabu dhinumuge gothun, Gina dhuvas thakakah meehun jalah lun ei islaam dheen tharuheebudhey kamehnoon, dheenuga adhabu kandaelhifava usooluthakah belumun mikan engey. Rajjeyga jalahlun aammu kamakah hadhaairu, Kobaitho sarukaarah support kura Sheikhun?
— Anara Naeem (@AnaraNaeem) July 24, 2018
މަކުނުދޫ ދާއިރާ ތަމްސީލު ކުރައްވާ އަނާރާއަކީ އަދާލަތު ތަމްސީލު ކުރައްވާ ހަމައެކަނި މެންބަރެވެ. އަނާރާއަކީ ދީނީ ނަސޭހަތް ދިނުމުގެ ހުއްދަ އޮންނަ ބޭކަނބަލެކެވެ.
އަނާރާ މިގޮތަށް ޓްވީޓް ކުރެއްވި އިރު އަދާލަތު ޕާޓީގެ ރައީސް ޝެއިޚް އިމްރާން އަބްދުﷲ ގެންދަވަނީ 12 އަހަރުގެ ޖަލު ހުކުމެއް ތަންފީޒު ކުރައްވަމުންނެވެ.
