ގާނޫނާ ހިލާފަށް ސިޔާސީ ލީޑަރުން ބަންދުގައި ބޭތިއްބުމަކީ މިއަހަރު އޮންނަ ރިޔާސީ އިންތިޚާބު މިނިވަން އަދި އިންސާފުވެރިކޮށް ބޭއްވުމަށްޓަކައި ބާއްވަން ޖެހޭ މަޝްވަރާތަކަށް އޮތް ހުރަހެއް ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.
ރައީސް ނަޝީދު ބުދަ ދުވަހު ޓްވީޓާ މެދުވެރިކޮށް އިތުރަށް ވިދާޅުވީ ރާއްޖޭގެ ޚުދުމުޚުތާރު ސަރުކާރުން "ނުހައްގުން ރައްޔިތުންގެ މަޖިލީހުގެ މެމްބަރު ފާރިސް މައުމޫން ހައްޔަރު ކޮށްފައިވާތާ މިއަދަށް (ބުދަ ދުވަހު) އެއް އަހަރުވީ ކަމަށެވެ." ރައްޔިތުންގެ މަޖިލީހުގެ ދިއްގަރު ދާއިރާގެ މެމްބަރު އަހުމަދު ފާރިސް މައުމޫންގެ މައްޗަށް ޓެރަރިޒަމްގެ ދައުވާ އުފުލައި ދަނީ ޝަރީޢަތް ކުރެވެމުންނެވެ. އަދި ޝަޚްޞު އޮޅުވައިލުމުގެ ދައުވާއެއް ސާބިތުކޮށް، ހަތަރު މަހާއި 24 ދުވަހުގެ ޖަލު ހުކުމެއް ފާރިސްގެ މައްޗަށް ޖޫން މަހު ވަނީ އިއްވައިފަ އެވެ. އެ ހުކުމާ އެކު މެމްބަރު ކަމުގެ ގޮނޑި ނުގެއްލުނަސް، ހުކުމުގެ މުއްދަތުގެ ފާރިސަށް މަޖިލީހަށް ހާޒިރެއް ނުވެވޭނެ އެވެ.
Today marks one year since the arbitrary arrest of MP @afarismaumoon by this regime. The continued illegal detention of political leaders is a barrier to hold credible talks to facilitate an inclusive, free and fair presidential election this year.
— Mohamed Nasheed (@MohamedNasheed) July 18, 2018
ގުޅިފައިވާ އިދިކޮޅު ސިޔާސީ ޕާޓީތަކުގެ އިސް ލީޑަރުންގެ މައްޗަށް ޝަރީއަތްތައް ކުރެވިފައިވާއިރު ނުވަތަ ހިންގަމުންދާއިރު، އެ ޝަރީއަތްތަކަކީ ނުވަތަ އިއްވާފައިވާ ހުކުމްތަަކަކީ ނުހައްގުން އިއްވާފައިވާ ހުކުމްތަކެއް ކަމަށް ނުވަތަ ކުރެވެވެމުންދާ ޝަރީއަތްތަކެއް ކަމަށް ބައިނަލްއަގްވާމީ މުޖުތަމައު އާއި އަދި ގުޅިފައިވާ އިދިކޮޅު ސިޔާސީ ޕާޓީތަކުން ދަނީ ތަކުރާރުކޮށް ބުނަމުންނެވެ.
