ރައީސް އަބްދުﷲ ޔާމީންގެ ސަރުކާރު ފެއިލްވެ، އަގުވެއްޓިފައި އޮތުމުން ރާއްޖެއަށް ލިބުނީ ވަރަށް ބޮޑު ލަދުވެތިކަމެއް ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެެ އެވެ.
އެމަނިކުފާނު އެފަދައިން ވިދާޅުވީ އދ.ގެ އިންސާނީ ހައްޤުތަކާއިބެހޭ ކައުންސިލްގެ ގޮނޑިއަށް ރާއްޖެ ކުރިމަތިލައި، ބޮޑު ނާކާމިޔާބީއަކާއި ކުރިމަތިލާންޖެހުމުން ކުރެއްވި ޓުވީޓެއްގައެވެ. އދ.ގެ އިންސާނީ ހައްޤުތަކާއިބެހޭ ކައުންސިލްގެ ގޮނޑި ރާއްޖެއަށް ގެއްލުނީ 46 ވޯޓު ލިބިގެންނެވެ. ރާއްޖެއާއެކު ގޮނޑިއަށް ވާދަކުރި އިންޑޮނޭޝިއާއަށް ވަނީ 144 ވޯޓް ލިބިފަ އެވެ.
ރައީސް ނަޝީދުކުރެއްވި ޓުވީޓެއްގައި އެމަނިކުފާނު ވިދާޅުވީ 2009 ވަނަ އަހަރު އދ.ގެ ހިއުމަން ރައިޓްސް ކައުންސިލްގެ ގޮނޑި ރާއްޖެއިން ކާމިޔާބުކުރީ 185 ވޯޓުގެ ރެކޯޑް އަދަަދަކާއެކުގައި ކަމަށެވެ. އަދި 2010 ވަނަ އަހަރު ސަރުކާރުން މަސައްކަތް ފެށީީ އދ.ގެ ސަލާމަތީ މަޖިލީހުގެ ގޮނޑިއަށް ކަމަށާއި، އެ ގޮނޑި ނުލިބުނީ ރައީސް ޔާމީންގެ ސަރުކާރު ފެއިލްވެފައިވުމުގެ ސަބަބުން ކަމަށެވެ.
2009 vana aharu UNHRC ge gon’di Raajje kaamiyaabu kuree record 185 vote aai eku. 2010 vana aharu sarukaarun masaikaiy feshee UNSC gon’di hoadhumah.RYameen ge sarukaaru failve aguvettifai othumun miadhu Raajje ah mi libunee varah bodu ladhuvethi kameh.Miadhu libunee enme 46 vote
— Mohamed Nasheed (@MohamedNasheed) June 8, 2018
ސަލާމަތީ މަޖިލީހުގެ ގޮނޑި ރާއްޖެއަށް ނާކާމިޔާބުވިއިރު ރާއްޖެއިން ވަނީ އެ ގޮނޑި ހޯދުމަށް ދިގު ކެމްޕެއިނެއް ކޮށްފައެވެ.އެގޮތުން ސަރުކާރުގެ ވަޒީރުން އެކި ގައުމުތަކަށް ޒިޔާރާތްކޮށް ވަނީ ރާއްޖެއާ އެއްކޮޅަށް ވޯޓް ދިނުމަށް މަސައްކަތްކޮށްފައެވެ. ހަމައެހެންމެ ދިވެހި ސަރުކާރުން ވަނީ ވޯޓާ ގާތްކޮށް އެފްރިކާގެ ބައެއް ޤައުމުތަކާއި ސިޔާސީ ގުޅުން ޤާއިމްކޮށްފައެވެ.
މީގެ އިތުރުން ފަޤީރު އަދި ކުރިއަރަމުން އަންނަ ބައެއް ޤައުމުތަކުގެ ސަފީރުން ރާއްޖެ ގެނެސްގެން އެބޭފުޅުންނަށް ވޯކްޝޮޕްތަކެއް ހިންގާފައިވާއިރު، ސަލާމަތީ މަޖިލީހުގެ ގޮނޑީގެ ކެމްޕޭނަށް ރާއްޖެއިން ގޮތް ނޭނގޭ 5 ލައްކަ އެމެރިކާ ޑޮލަރު ޚަރަދުކުރިކަމަށް އިދިކޮޅު ފަރާތްތަކަށް ނިސްބަތްވާ ޑިޕްލޮމެޓުން ތުހުމަތުކުރައްވައެވެ.
