ބޮލީވުޑްގެ ތަރި އަނުޝްކާ ޝަރުމާ އާ އޭނާގެ ފިރިމީހާ އިންޑިއާގެ މަޝްހޫރު ކްރިކެޓް ކުޅުންތެރިޔާ ވިރާޓް ކޯލީ ޖިމްގައި ކާޑިއޯ އެކްސަސައިޒް ކުރަމުންދާ ވީޑިއޯއެއް ވިރާޓް ޝެއާ ކޮށްފިއެވެ.
މި ވީޑިއޯގައި ވިރާޓް ވަނީ އަނުޝްކާ ދައްކާލުމަށް ފަހު އޭނާއާއި އެކު ޖިމްގައި ވަނީ ކާކުތޯ އަހާފައެވެ. އަދި ޖިމްގައި ދެމީހުންއެކުގައި ކަސްރަތު ކުރުމުގައި މަޖާ ވަގުތުކޮޅެއް ހޭދަ ކުރަމުންދާ ކަމަށެވެ. ކުޑަކޮށް މަޖާވެލަފައި ހުރެ ވިރާޓް ބުނެފައިވަނީ އޭނާއަށް ވުރެ ގިނައިރު އަނުޝްކާއަށް ކާޑިއޯ ހެދޭ ކަމަށާއި ކުޅަދާނަ ކަމަށެވެ.
ވީޑިއޯގައި އަނުޝްކާ ފެނިގެންދަނީ ފަރުވާތެރި ކަމާއި އެކު ހުއްޓާނުލާ ކާޑިއޯ އެކްސަސައިޒް ކުރަމުންދާ މަންޒަރެވެ. .ނަމަވެސް ވިރާޓް ވީޑިއޯ ކުރަމުން ދިއުމުން ހިނި އައިސް " ވަޓް ރަބިޝް" އޭ ބުނެފައިވެއެވެ.
ވިރާޓް އާއި އަނުޝްކާ ކައިވެނި ކުރި ފަހުން އެދެމީހުންގެ ދަނީ އެކުގައި ފޮޓޯތައް ޕޯސްޓް ކުރަމުން ނެވެ. ނަމަވެސް ވީޑިއޯ ޕޯސް ކުރަނީ ވަރަށް މަދުންނެވެ.
މިދެމީހުން ކައިވެނީގެ ސިއްރު ހަފްލާ ބާއްވަފައި ވަނީ މިދިޔަ އަހަރުގެ ޑިސެމްބަރުގެ 11 ވަނަ ދުވަހު އިޓަލީގައެވެ.
އެއަށް ފަހު އިންޑިއާގެ ދިއްލީ އަދި މުމްބާއީގައި ވަނީ އެމީހުންގެ އާއިލާއަށާއި ރައްޓެހިންނާއި އެކުގައި މަސައްކަތް ކުރާމީހުންނަށް ހަފްލާއެއް ބާއްވާފައެވެ. މި ހަފްލާގައި އިނޑިއާގެ ޕްރައިމް މިނިސްޓްރ ނަރެންދްރަ މޯދީ އާއި ބޮލީވުޑްގެ މަޝްހޫރު ތަރިން ވަނީ ބައިވެރި ވެފައެވެ.
އަނުޝްކާ މިހާރު މަސައްކަތްކުރަމުން ދަނީ ވަރުން ދަވަން އާއި އެކު "ސުއި ދާގަ" އަދި ޝާހުރުކްޚާން އާއި އެކު "ޒީރޯ" ގައެވެ.
