ސުޕްރީމް ކޯޓާއި ހައިކޯޓުގެ ބެންޗުގެ ދެބައިކުޅަ އެއްބައި ފަނޑިޔާރުންނަކީ ރައްޔިތުންގެ ސީދާ ވޯޓަކުން އިންތިޚާބު ކުރާ ބަޔަކަށް ވާން ޖެހޭކަމަށް ގަމު ދާއިރާގެ މެމްބަރު ފައްޔާޒް އިސްމާއިލް ވިދާޅުވެއްޖެއެވެ.
ޖުޑީޝަލް ސަރވިސަސް ކޮމިޝަންގެ އޮނިގަނޑަށް ބަދަލުގެނައުމާއި ބެހޭ ގޮތުން ދާދިފަހުން ކުރީގެ ބަންޑާރަ ނައިބު ހުސްނުއްސުޢޫދު ފާޅުކުރެއްވި ޚިޔާލުފުޅާއި ގުޅިގެން ފައްޔާޒް ވިދާޅުވީ މަތީ ކޯޓުތަކުގެ ދެބައިކުޅަ އެއްބައި ފަނޑިޔާރުން އިންތިޚާބުކުރަން ތާޢީދުކުރައްވާކަމަށާއި، އަދި މުޅި ޖޭއެސްސީއަކީ އެއްކޮށް އިންތިޚާބުވެފައިވާ ބަޔަކަށް ހަދަން ޖެހޭކަމަށެވެ.
Raiyithun ge maslahathah enmebodu asareih kuranee courtuthakuge ninmun, Majlis sarukaareh noon. Veema Supreme adhi High ct ah fandiyaarun lumugaa adhi JSC ah meehun lumugai raiyithunge seedhaa baheh othun rangalhu. @hsuood
— Fayyaz Ismail (@faya_i) June 6, 2018
އިންތިޚާބުކުރަން ޖެހުނަސް، ފަނޑިޔާރުންގެ މަޤާމަށާއި ޖޭއެސްސީގެ މެމްބަރުކަމުގެ މަޤާމަށް ކުރިމަތިލެވޭނެ ޝަރުތުތަކެއް ކަނޑައަޅަން ޖެހޭނެކަމަށް ފައްޔާޒް ވިދާޅުވިއެވެ. ޖުޑީޝަރީގެ ބޭފުޅުން އިންތިޚާބުކުރަން އަނެއްކާވެސް ވޯޓެއް ލާން ޖެހުމަކީ ޚަރަދު ބޮޑުކަމެއްކަމަށް ބައެއް މީހުން ބުނެފާނެކަމަށާއި، އެހެން ނަމަވެސް، މިހާރު އޮތް ގޮތުން ޤައުމަށް އަދާކުރަން ޖެހޭ އަގު މާ ބޮޑުކަމަށް އޭނާ ފާހަގަކުރެއްވިއެވެ.
I would favor 50% of the bench of SC and HC to be directly elected and JSC to be 100% elected by direct public vote. Ofcourse eligibility criteria would need to be set. One counter argument is huge cost of elections, my counter is that current cost is much much higher for nation. https://t.co/8629NXVrDp
— Fayyaz Ismail (@faya_i) June 6, 2018
ފައްޔާޒް ވިދާޅުވީ އިންތިޚާބުކުރާ ފަނޑިޔާރުންގެ ދައުރަކީ ކޮންމެހެން 5 އަހަރަށް ވާން ނުޖެހޭކަމަށާއި، ފަނޑިޔާރުން އިންތިޚާބުކޮށް ރިކޯލްކުރުމަކީ މިހާރުވެސް ދުނިޔޭގެ ޤައުމުތަކުގައި ކާމިޔާބުކަމާއިއެކު ކޮށް އުޅޭ ކަމެއްކަމަށެވެ.
ޖޭއެސްސީ އެކުލަވާލަން ފެނިވަޑައިގަންނަވާ ގޮތް ޓްވިޓަރގައި ހާމަކުރެއްވުމުން ބައެއް ފަރާތްތަކުން ވަނީ އެހެން ހެދުމުން މެޖޯރިޓީގައި އޮންނަ ޕާޓީ ބޭނުންވާ ގޮތް ހެދުމުގެ ފުރުސަތު އޭރުން އޮންނާނެކަމަށް ބުނެފައެވެ. އެހެން ނަމަވެސް ފައްޔާޒް ވިދާޅުވީ މަޖިލީހުގެ ދައުރެއް ނެތި، ރައްޔިތުންގެ ސީދާ ވޯޓަކުން ފަނޑިޔާރުންނާއި ޖޭއެސްސީގެ މެމްބަރުން އިންތިޚާބުކުރުމުން ޕާޓީތަކުގެ ނުފޫޒު އެކަމުގައި އޮންނަ މިންވަރު ކުޑަވާނެކަމަށެވެ.
ފައްޔާޒް ވިދާޅުވީ ރައްޔިތުންގެ މަސްލަހަތަށް އެންމެ ބޮޑު އަސަރެއް ކުރާނީ ކޯޓުތަކުގެ ނިންމުންތަކުން ކަމަށާއި، ސަރުކާރާއި މަޖިލީހަކުން ނޫންކަމަށެވެ. އެހެން ކަމުން ސުޕްރީމް ކޯޓާއި ހައިކޯޓަށް ފަނޑިޔާރުން ލުމުގައި އަދި ޖޭއެސްސީއަށް މެމްބަރުން ލުމުގައި ރައްޔިތުންގެ ސީދާ ބަހެއް އޮތުން ރަނގަޅުކަމަށެވެ.
