ރައްޔަތުންގެ މަޖިލީހުގެ މަޑުއްވަރި ދާއިރާގެ މެމްބަރު މުހައްމަދު އަމީތުގެ ކާފަގެ މޫނު ދެކިލަން އޭނާ ސްރީލަންކާއަށް ދިއުމަށް ސަރުކާރުން ފުރުސަތެއް ނުދިނެއެވެ.
އަމީތުގެ ކާފަ ހޮނިހިރު ދުވަހު ސްރީލަންކާގައި ނިޔާވުމުން އެނާ ކުރެއްވި ޓްވީޓެއްގައި ވިދާޅުވީ ފުލުހުން ޕާސް ޕޯޓް ހިފަހައްޓާފައިވާތީ، އެނާގެ ކާފަގެ މޫނު ދެކިލަން ސްރީލަންކާއަށް ނުދެވުނު ކަމަށެވެ. އަމީތުގެ މި ޓްވީޓާއި އެކު މެއި މަހުގެ 24 ވަނަ ދުވަހު ޕާސްޕޯޓް ދޫކޮށްދިނުމަށް ކްރިމިނަލް ކޯޓްގައި އެދި ކްރިމިނަލް ކޯޓްގެ އިސް ގާޒީ އާދަމް އާރިފްއަށް އެޑްރެސްކުރައްވާ ފޮނުވި ސިޓީއާއި އެޓޭޗްކުރައްވާފައިވެއެވެ.
For no valid reason, @PoliceMV & the CC refused to release my Passport today, preventing me from attending my grand-father's funeral.
— Mohamed Ameeth (@MohamedAmeeth) June 2, 2018
I wish I'm there to say my last goodbye & pay my last respect to him .
May Allah forgive his sin & grant him jannah. امین pic.twitter.com/udJVYiu12E
ކާފަ ނިޔާވުމުގެ ކުރިން އަމީތު ފޮނުއްވި އެ ސިޓީގައި ވިދާޅުވެފައިވަނީ މިހާރު ކާފައަށް ފަރުވާދެމުން އަންނަނީ ވެންޓިލޭޓަރުގެ އެހީގައި ކަމަށްވާތީ، ކާފަ ކައިރިއަށް ޒިޔާރަތް ކުރުމަށް ޕާސްޕޯޓު ދޫކޮށްދިނުމަށް އެދޭ ކަމަށެވެ. ކާފަގެ ހާލަތު ދުވަހެއް ދުވަހަކަށް ދަށްވަމުންދާއިރު، ޕާސްޕޯޓް ހިފަހައްޓާފައި ވާތީ އެނާއަށް ސްރީލަންކާއަށް ފުރޭގޮތް ނުވެފައިވާ ކަން އޭރު ވަނީ ފާހަގަކޮށްފައެވެ.
