ކޯލިޝަން ކެންޑިޑޭޓް ނެރެ، "މިކަން ނިންމަން ތައްޔާރު"ކަމަށް ދާދިފަހުން ޖުމްހޫރީ ޕާޓީއާއި ގުޅިވަޑައިގެންނެވި އެމްޑީޕީގެ ކުރީގެ ޗެއަރޕަރސަން އަލީ ވަހީދު ވިދާޅުވެއްޖެއެވެ.
ޖުމްހޫރީ ޕާޓީގެ ލީޑަރު ޤާސިމް އިބްރާހިމް އާއިއެކު ޖަރުމަނުވިލާތުގައި ހުންނަވަނިކޮށް ނަގާފައިވާ ފޮޓޯއަކާއިއެކު އަލީ ވަހީދު ކުރެއްވި ޓްވީޓެއްގައި ވިދާޅުވީ "ޕާޓީތަކުގެ އާއްމު މެމްބަރުންނާއި ރާއްޖޭގެ ލޮބުވެތި ރައްޔިތުން މިއަދު ތަހައްމަލު ކުރަމުންދާ އަނިޔާވެރިކަމުން ސަލާމަތްކުރުމަށް ޖުމްހޫރީ ޕާޓީގެ ލީޑަރު ޤާސިމް އިބްރާހިމް ހުންނެވީ ރައްޔިތުންނާއި ޤައުމުގެ މަސްލަހަތު އިސްކުރަން ތައްޔާރަށް"ކަމަށެވެ.
#CoalitionCandidate nere mikan nimman thayyaaru. Party thakuge aamu membarunnaai, raajjeyge lobuvethi rayyithun miadhu thahammal kuramundhaa aniyaaverikamun salaamaiy kurumah @Jumhooree_MV ge Leader Hon. @qasimibrahim hunnevee rayyithunnaa qaumuge maslahath iskuran thayyaarah. pic.twitter.com/5PhwKSiIRe
— Ali Waheed (@ali20waheed) May 31, 2018
އަލީ މިހެން ވިދާޅުވެފައިވަނީ އެމްޑީޕީގެ ރިޔާސީ ޕްރައިމަރީގައި ވޯޓުލައި، އެޕްރައިމަރީ ކުރީގެ ރައީސް ނަޝީދު ކާމިޔާބުކުރެއްވުމާއި ވިދިގެންނެވެ. އެމްޑީޕީއިން ވަނީ ގުޅިފައިވާ ޕާޓީތަކުގެ ފަރާތުން ނެރޭ އެއް ކެންޑިޑޭޓެއްގެ ގޮތުގައި ރައީސް ނަޝީދު ހަމަޖެއްސުމަށް ގުޅިފައިވާ ޕާޓީތަކަށް ހުށަހަޅާނެކަމަށް ބުނެފައެވެ. އަދި ޤާސިމް އިބްރާހީމްވެސް ވަނީ ރިޔާސީ އިންތިޚާބަށް ނެރޭނީ އެއް ކެންޑިޑޭޓްކަމަށް ވިދާޅުވާ ވިދާޅުވުން މިހަފްތާގައި އަނެއްކާވެސް ތަކުރާރުކުރައްވާފައެވެ.
