ބުދަ ދުވަހު (މާދަމާ) ބާއްވާ އެމްޑީޕީ ޕްރައިމަރީ ޤާނޫނުތަކާއި ގަވާއިދުތަކާއި އެއްގޮތަށް ކުރިއަށްގެންދާނެކަމުގެ ޔަޤީންކަން އެމްޑީޕީން ދީފައިވާކަމަށް އިލެކްޝަންސް ކޮމިޝަނުން ބުނެފި އެވެ.
އިލެކްޝަންސް ކޮމިޝަނުން ބުނީ، ޤާނޫނުތަކާއި ގަވާއިދުތަކާއި އެއްގޮތަށް ކުރިއަށްގެންދާނެކަމުގެ ޔަޤީންކަންދީފައިވާތީ، ޤާނޫނުތަކާއި ގަވާއިދުތަކާއި އެއްގޮތަށް ސިޔާސީ ޕާޓީތަކުން ކުރިއަށްގެންދާ ހަރަކާތްތަކަށް އިލެކްޝަންސް ކޮމިޝަނުން ފުރިހަމަ އެއްބާރުލުންދޭނެކަމަށެވެ.
May 30 vana dhuvahu MDP in baavaa riyaasee primary gaanoonaai, gavaaidhaai ehgothah kuriah gendhaanekamah MDP in Election Commission ah yageen kan dheefi. Adhi gaanoonai gavaaidhaai ehgothah kuriah gendhaa siyaasee party thakuge harakaaithakah EC in furihama ehbaarulun dheyne pic.twitter.com/QDN9RrEoIC
— Elections Commission (@ElectionsMv) May 29, 2018
ޤާނޫނުތަކާއި ގަވާއިދުތަކާއި އެއްގޮތަށް ޕްރައިމަރީ ބާއްވާނެކަމުގެ ޔަޤީންކަން އެމްޑީޕީންް ދީފައިވާކަމަށް އިލެކްޝަންސް ކޮމިޝަން ބުނެފައިވާއިރު އެމްޑީޕީން ވަނީ މި މަހުގެ 28 ވަނަ ދުވަހު އިލެކްޝަންސް ކޮމިޝަނަށް ސިޓީއެއް ފޮނުވާފަ އެވެ.
އެ ސިޓީގައި އެމްޑީޕީން ބުނީ މި މަހުގެ 30 ވަނަ ދުވަހު އެމްޑީޕީން ބާއްވާ ޕްރައިމަރީއަކީ ރާއްޖޭގައި އަމަލުކުރަމުންދާ އެންމެހައި ޤާނޫނުތަކާއި އަދި ޕާޓީގެ އަސާސީ ގަވާއިދުގެ 77 ވަނަ މާއްދާގެ ދަށުން ބާއްވާ ޕްރައިމަރީއެއް ކަމަށެވެ. އަދި އެ ޕްރައިމަރީއަކީ ޕާޓީގައި އަމަލުކުރަމުންގެންދާ އެންމެހައި ގަވާއިދުތަކާއި އެއްގޮތްވާގޮތުގެ މަތިން ބާއްވާ ޕްރައިމަރީއެއް ކަމަށް އެމްޑީޕީގެ އެ ސިޓީގައި ބުނެފައިވެއެވެ.
އިލެކްޝަންސް ކޮމިޝަނުން މީގެކުރިން ވަނީ ގާނޫނުއަސާސީ އާއި ސިޔާސީ ޕާޓީތަކުގެ ގާނޫނާ ޚިލާފަށް، އެއްވެސް ސިޔާސީ ޕާޓީއަކުން ރިޔާސީ ޕްރައިމަރީ ބޭއްވުމުގެ ފުރުސަތު ނުދޭނެ ކަމުގެ އިންޒާރުދީފަ އެވެ.
