މާލެ ސިޓީގައި މަސައްކަތް ކުރަމުންދާ ބިދޭސީންގެ ދަފްތަރެއް އެކުލަވާލަން މަސައްކަތް ކުރަމުންދާ ކަމަށް މާލޭ ސިޓީގެ މޭޔަރު ޝިފާ މުހައްމަދު ވިދާޅުވެއްޖެއެވެ.
ކުރިން އެޑިއުކޭޝަން މިނިސްޓަރުކަން ވެސް ކުރެއްވި ޝިފާ ވިދާޅުވީ ދަފުތަރު އެކުލަވާލުމުގެ މަސައްކަތުގައި ކައުންސިލުގެ ފަރާތުން އިމިގްރޭޝަންއާ ބައްދަލުކޮށް މަޝްވަރާކޮށް އެހީއަށް އެދިފައިވާ މަށެވެ. އެ ބަައްދަލުވުމަށް ފަހު ޝިފާ ކުރެއްވި ޓްވީޓެއްގައި ވިދާޅުވީ އިމިގްރޭޝަނާ އެކީ މަސައްކަތް ކުރެވޭނެކަމުގެ އުއްމީދު އޮތް ކަމަށެވެ.
Malecityga masahkaikuraa bidheysinge dhafthar ekulavaalumugaa @ImmigrationMV eheetherikamah city councilun edhi alhugadu vaani imigrationaai mashvarakohfa. @MaleCitymv .Ekugaa masahkaithah kuriah gendheveyne kamuge umeedh ebaoiy .@Raajje_tv
— Shifa Mohammed (@etna295) May 27, 2018
ދިވެހިރާއްޖޭގެ ސަރުކާރު ހިމެނިގެން 2014 ވަނަ އަހަރު އިއުލާން ކުރި ބޯހިމެނުމުގެ ތަފާސް ހިސާބުތަކުން ދައްކާ ގޮތުގައި ރާއްޖޭގައި 63637 ބިދޭސިން އެވަގުތު އުޅުނެވެ. އޭގެ ތެރެއިން ގިނަ މީހުން އުޅެފައިވަނީ މާލޭގައެވެ. ބައެއް ފަރާތްތަކުން ބުނާ ގޮތުގައި ގާނޫނާ ހިލާފަށް ރާއްޖޭގައި އުޅޭ ބިދޭސީންނާއެކު، ރާއްޖޭގައި އުޅޭ ބިދޭސީންގެ އަދަދު އެއް ލައްކައަށް ވުރެ އިތުރުވާނެ އެވެ.
