މިދިޔަ ފެބްރުއަރީ މަހުގެ 24 ގައި އިންޑިއާގެ މަޝްހޫރު ތަރި ސްރީދޭވީގެ ކުއްލި މަރާއި ގުޅިގެން އެތައް ބަޔަކަށް ސިހުން ގެނުވިއެވެ.
ސްރީދޭވީގެ މަރުގެ ހަގީގަތް ހާމަ ކުރަމުން ދުބާއީގެ މެޑިކަލުން އާންމުކޮށްފައިވާ ޕޯސްޓް މޯޓަމް ރިޕޯޓްގައި ބުނެފައިވަނީ އޭނާ މަރުވެފައިވަނީ ފެނުން ފުރިފައި ހުރި ބާތުޓަބް ތެރެއަށް ގެނބިގެން ކަމަށެވެ.
ސްރީދޭވީ ދުބާއީއަށް ގޮސް ހުރީ އާއިލާ މީހެއްގެ ކައިވެންޏަށެވެ.
އެހެން ނަމަވެސް އިންޑިއާގެ ކުރީގެ އެސިސްޓެންޓް ކަމިޝަނަރ އޮފް ޕޮލިސް ރިޓަޔާޑް ވެޑް ބުޝާން ވިދާޅުވީ ސްރީދޭވީގެ މަރަކީ ކުރިއާލާ ރާވައިގެން ބަޔަކު ގަސްތުގައި ކޮށްފައިވާ ކަމެއް ކަމަށެވެ. ބުޝާން އަކީ މިހާރު އަމިއްލަ އިންވެސްޓިގޭޝަން އެޖެންސީއެއް ހިންގަވާ ބޭފުޅެކެވެ.
އޭނާ ވިދާޅުވީ ސްރީދޭވީގެ މަރުގެ މައްސަލަ ބޮޑަށް ބެލެވެނީ ގަސްތުގައި ބަޔަކު އޭނާ މަރާލިކަމަށެވެ. އޭނާ ވިދާޅުވީ ބާތު ޓަބަކަށް އެރުމަށް ގަދަކަމުން ސްރީދޭވީއަށް މަޖުބޫރު ކުރެވިދާނެކަމަށާއި އެއްވެސް ކަހަލަ ތުހުމަތެއް ނުކުރެވޭ ކަހަލަ ގޮތަކަށް އެކަންތައް ކުރެވިދާނެކަމަށެވެ.
ސްރީދޭވީ އެންމެ ފުރަތަމަ ފިލްމު ކުޅެން ފެށީ އުމުރުން އެންމެ ހަތަރު އަހަރުގަ އެވެ. 50 އަހަރު ފިލްމީ ދާއިރާގައި ހޭދަކޮށްފައިވާއިރު އޭނާ މަރުވިއިރު އުމުރަކީ 54 އަހަރެވެ.
